Вести › Набрзинка

Владата ќе им даде 12 милиони евра на невладини

2 декември 2021

Новиот буџет е рекорден и тежок 4,4 милијарди евра (само што нема да крадеме по 500 милиони годишно како врмо и дуи, ќе имаме доволно пари, викаа на времето кога маваа со бои по градот).
Од 4,4 милијарди, планираат да имаат покритие (главно од даноци) за 3,8 милијарди; за останатите ќе се задолжуваат.
За купување возила институциите ќе потрошат 5,4 милиони евра. За мебел 1,8 милиони евра. За договорни услуги ќе се потрошат 116 милиони евра, за стоки и услуги 327 милиони евра. За невладини организации има 12 милиони евра.

извор

Почина Панчо од ДНК

14 октомври 2025

По скоро седум месеци лекување, почина Владимир Блажев-Панчо. Имаше 46 години.
Тој е 63-тата жртва во кобниот пожар во дискотеката „Пулс“ во Кочани во кој настрада и вториот човек од ДНК, Андреј Ѓорѓиески, како и членови на нивниот пратечки бенд и вокали.
Панчо е роден на 29.07.1979 во Скопје. Зад себе остави два сина, Андреја и Марјан.

извор

ЕУ го повлече предлогот за „чет-контрол“

14 октомври 2025

Под притисок на разни страни, од дневниот ред на Советот на ЕУ била повлечена уредбата за скенирање приватни комуникации на интернет која Брисел сакаше да ја воведе во име на заштита на децата од сексуална злоупотреба преку мрежата.
Германија, Австрија, Холандија, Финска и други земји јасно ставија до знаење дека нема да се согласат со предлог што ги загрозува основните права на граѓаните и подразбира разбивање на end-to-end енкрипцијата.
Уредбата против која беа и бројни институции, експерти и европски граѓани, предвидуваше дигиталните платформи за комуникација како Месинџер, ТикТок, Воцап, Телеграм, Сигнал.... автоматски да ги скенираат приватните пораки, електронската пошта, фотографиите и фајловите кои меѓусебе ги разменуваат корисниците.
„Никој не спори дека заштитата на децата е најважната цел, но борбата против едно зло не смее да го отвори патот за друго зло - масовното следење на граѓаните“, нагласи човек на хрватската опозиција барајќи од властите да објаснат зошто побрзале го поддржале предлогот кој сега е повлечен.

извор