- САД со вето ја блокираа резолуцијата на ОН со која се повикува на безусловен и траен прекин на огнот во Газа, ослободување на сите израелски заложници и непречен пристап на хуманитарна помош за цивилите.
- Сите други 14 членки на Советот за безбедност на ОН ја поддржаа резолуцијата, во која ситуацијата во Газа е опишана како „катастрофална“. Израел беше повикан да ги укине сите рестрикции за доставување помош до повеќе од 2 милиона Палестинци во Појасот.
- Амбасадорката Дороти Шеј објасни дека гласала против бидејќи во текстот на резолуцијата Хамас не е наведен како терористичка организација.
- „Нема да поддржиме ниту една мерка во која нема осуда за Хамас и не се повикува Хамас да се разоружа и да ја напушти Газа“, изјави амбасадорката.
- Палестинскиот амбасадор Ријад Мансур изјави дека наскоро ќе побара гласање во Генералното собрание на ОН, каде што нема вето, за усвојување слична резолуција, која сепак не би имала обврзувачки карактер.
- Русија го бомбардираше Киев со 407 дронови и 45 проектили, како одговор на украинската операција „Пајажина“ во која беа уништени или оштетени неколку десетици руски бомбардери во четири бази далеку од фронтот.
- Во Киев загинале тројца пожарникари што извлекувале луѓе од станбени згради додека нападот сè уште траел. Ранети биле 20 луѓе во Киев и уште 29 во други градови.
- За лансирање на проектилите Русија користела два бомбардери ТУ-95 и два ТУ-160, значително помалку во споредба со претходните напади.
- Претседателот Владимир Путин во телефонски разговор го известил американскиот Доналд Трамп дека Москва ќе одговори на украинската операција против руските бомбардери, која е оценета како „терористички напад“.
- „Тие влегоа длабоко во Русија и Путин ми кажа дека немаат избор освен да возвратат... Можеби би било добро Украина и Русија уште малку да се борат отколку итно да преговараат за мир“, изјави Трамп.
- Јапонското вселенско летало Resilience на Ајспејс се урна на Месечината и ја изгуби контролата со контролната мисија на Земјата.
- Ова е втора неуспешна мисија на приватна компанија за спуштање летало на Месечината. Ајспејс дека ќе ги анализира грешките и ќе направи трет обид во 2027 година.
- Resilience требаше да се спушти во регионот на Mare Frigoris (Морето на студот) на страната што е видлива од Земјата. Телеметриските податоци се прекинале 105 секунди пред планираното спуштање. Тоа се толкува дека системите погрешно го процениле растојанието до површината и слетувањето било со преголема брзина.
- Многу приватни компании настојуваат да спуштат свои летала на Месечината. Во 2019 година пропадна обидот на израелскиот лендер Beresheet. Во 2024 година американската мисија Astrobotic беше прекината веднаш по лансирањето. На Месечината се спушти леталото Odysseus на приватна компанија од Хјустон, но се преврте по една недела. Слично завршија и леталата Athena и Blue Ghost.
