Вести › Набрзинка

Три американски компании откупиле 17 милиони хектари земја во Украина

20 мај 2022

За да разберете колку се 17 милиони хектари, замислете ја цела Италија да е земјоделско земјиште. Значи, три американски компании купиле во Украина поголема корисна земјоделска површина од цела Италија.
Кои се акционерите на овие три компании? Секогаш истите: Вангард, Блекрок, Блекстоун. Односно, истите три финансиски компании кои ги контролираат банките и големите воени индустрии.
Ова е причината зошто сточната храна (Каргил и Дупонт) и ѓубривото (Монсанто-Бајер) претрпи сензационално зголемување на цената уште од пред војната, затоа што веќе знаеле сè.

извор

Данците во пензија на 70 години

23 мај 2025

Данска ќе ја зголеми на 70 години старосната граница за пензионирање до 2040 година. Со новиот закон ќе бидат опфатени сите државјани родени по 31 декември 1970 година.
Границата секои пет години се прилагодува на очекуваниот просечен животен век. Данците сега во пензија одат на 67 години. Границата во 2030 ќе биде поместена на 68 години, а во 2035 на 69 години.
Додека пратениците дебатираа за законот, синдикати организираа протести во Копенхаген.
„Ова е неразумно. Работиме, работиме и работиме, до кога? Цел живот плаќам даноци. Треба да имам време да поминам со децата и внуците“, реагира за порталот ДК работникот Томас Јенсен.
Границата за пензионирање во Данска е највисока во Европа. Во соседна Шведска во пензија се оди и со 63 години.

извор

Трамп му забрани на Харвард да прима странски студенти

23 мај 2025

Администрацијата на Доналд Трамп му забрани на Харвард да прима студенти од странство во идната учебна година. Странците што сега студираат таму ги предупреди да се префрлат на други Универзитети за да не им биде укинат легалниот статус.
Министерката за домашна безбедност Кристи Ноем го обвини Харвард дека „поттикнува насилство и антисемитизам и се координира со Кинеската комунистичка партија“.
Забраната е воведена откако Харвард одби да му ги даде на Министерството бараните информации за некои странски студенти. Ноем истакна дека забраната ќе биде поништена ако Харвард во рок од 72 часа ги предаде досиејата за странските студенти, вклучувајќи и видео или аудио снимки од учество на протести во изминатите пет години.
„Оваа одмаздничка акција е сериозна закана за заедницата на Харвард и за нашата земја и ја поткопува нашата академска и истражувачка мисија“, соопшти Универзитетот.
Во тековната година на Харвард студирале речиси 6.800 студенти од странство, што е 27% од вкупниот број. Најмногу ги има од Кина, Канада, Индија, Јужна Кореја, Британија и Германија.

извор