- Американскиот претседател Доналд Трамп блокирал израелски план за воен напад врз критични постројки во Иран и се решил на преговори со Техеран како подобра опција за ограничување на иранската нуклеарна програма.
- Израел веќе имал подготвено план во мај да нападне нуклеарни инсталации на Иран, но не можел да го спроведе без воена поддршка од американските сили во регионот.
- Кога премиерот Нетанјаху го посети Трамп во Белата куќа на 7 април, главната тема на разговорите не биле тарифите, туку планот за напад врз Иран. На истата тема шефот на ЦИА Џон Ретклиф пред една недела во Ерусалим разговарал со Нетанјаху и шефот на Мосад.
- Првичниот план на Израел опфаќал комбинирана акција од бомбардирање и десант на командоси, но за таква операција немало услови до октомври. Премиерот Нетанјаху оценил дека тоа би било предоцна.
- Директорот на Меѓународната агенција за атомска енергија Рафаел Гроси изјави дека Иран има доволно материјал за да направи неколку нуклеарни бомби, но и дека сè уште нема нуклеарно оружје.
- Јако тролање дојде од рускиот државник Дмитриј Медведев на кавгата на која цел свет фаќа сеир: онаа меѓу довчерашните „браќа и соборци“, Доналд Трамп и Илон Маск.
- „Подготвени сме да го олесниме склучувањето на мировен договор меѓу Д. и И. за разумна цена и да прифатиме акции на Старлинк како метод на плаќање“, порача тој.
- „Не се карајте дечки“, ги советуваше Трамп и Маск заменик претседателор на Советот за безбедност на Руската Федерација.
- Друг руски политичар (Дмитриј Новиков, заменик претседател на комитетот за надворешна политика на руската Дума) великодушно му понуди на Маск политички азил, ако му треба.
- Русија го бомбардираше Киев со 407 дронови и 45 проектили, како одговор на украинската операција „Пајажина“ во која беа уништени или оштетени неколку десетици руски бомбардери во четири бази далеку од фронтот.
- Во Киев загинале тројца пожарникари што извлекувале луѓе од станбени згради додека нападот сè уште траел. Ранети биле 20 луѓе во Киев и уште 29 во други градови.
- За лансирање на проектилите Русија користела два бомбардери ТУ-95 и два ТУ-160, значително помалку во споредба со претходните напади.
- Претседателот Владимир Путин во телефонски разговор го известил американскиот Доналд Трамп дека Москва ќе одговори на украинската операција против руските бомбардери, која е оценета како „терористички напад“.
- „Тие влегоа длабоко во Русија и Путин ми кажа дека немаат избор освен да возвратат... Можеби би било добро Украина и Русија уште малку да се борат отколку итно да преговараат за мир“, изјави Трамп.
