- Новата американска администрација од Украина бара да одржи избори до крајот на оваа година, особено ако во меѓувреме се дојде до некаков договор за примирје, прекин на огнот или нешто повеќе од тоа.
- „Демократски држави организирале избори и во време на војна“, изјави Кит Келог, спедијалниот пратеник на Трамп за Украина и Русија. „Изборите секогаш се добри за демократијата“.
- Иако сè уште не се познати контурите на американскиот план за Украина, се претпоставува дека идејата е прво да се дојде до договор за прекин на огнот а по изборите во Украина, властите кои ќе имаат полн легитимитет да бидат одговорни за спроведување на долгорочните обврски од договорот меѓу Москва и Киев.
- Јапонија и Хаваи спроведуваат масовни евакуации поради опасност од цунами низ Пацификот, предизвикани од силниот земјотрес на Камчатка.
- Потресот со интензитет од 8,8 Рихтерови степени кај Петропавловск е шести според јачина од сите што досега биле регистрирани во историјата. Жариштето било на длабочина од 19 километри. Се очекуваат афтершокови со месеци.
- Источниот брег на Русија го погодиле бранови од цунами со височина од 3 до 4 метри. Има повредени лица и од брановите и од земјотресот.
- Првиот удар на северниот јапонски остров Хокаидо бил со бранови од 40 сантиметри, но се стравува и од бранови од 3 метри. Јапонија повика 1,9 милион луѓе да се засолнат подалеку од брегот и на повисоко.
- Најсилниот удар се очекува на Хаваите, каде што се очекуваат цунами од над 3 метри. Низ Хонолулу вијат сирени. Градоначалникот Рик Бланџарди ги повика жителите да ги следат препораките, да не паничат и да се оддалечат од брегот.
- Тревога поради можно цунами кренаа и делови од западниот брег на САД, Кина, Индонезија, Филипините, Еквадор и Перу - 13.000 километри на југ од Камчатка.
- Премиерот Кир Стармер најави дека Британија ќе ја признае државата Палестина во септември на Генералното собрание на Обединетите нации, освен ако Израел во меѓувреме не преземе „значителни чекори за да запре ужасната ситуација во Газа“, вклучувајќи прекин на огнот и обврзување на долгорочен мировен процес.
- Израел му возврати исто како на најавата на францускиот претседател Макрон: „Одлуката за признавање на Палестина би била награда за Хамас и би ги нарушила напорите за прекин на огнот“.
- Опозициските либерали го повикаа Стармер да ја признае Палестина веднаш и да не ја користи како закана за притисок врз Израел.
- Американскиот претседател Доналд Трамп, кој само неколку часа претходно се сретна со Стармер, изјави дека не разговарал за признавање на Палестина: „Ќе испратиме многу пари таму и храна“.
