- Доналд Трамп најави дека САД со четири пати повисока тарифа ќе возвратат на најавените европски царини за алкохолни пијалоци.
- „Европската Унија тукушто воведе грда царина од 50% за виски. Ако оваа царина итно не биде укината, САД многу скоро ќе воведат царина од 200% за сите вина, шампањци, алкохолни производи од Франција и од други членки на ЕУ“, предупреди Трамп на својата социјална мрежа Truth Social.
- Вискито е меѓу американските производи во вкупна вредност од 26 милијарди евра за кои ЕУ најави дека ќе ги оцаринува од април. Брисел вели дека е спремен за преговори зашто „никој нема полза од царинска војна“.
- Европската Унија лани продалa вино во САД во вредност од 4,9 милијарди долари. САД ѝ продале на Европа виски за 699 милиони долари.
- Врховниот суд на Косово ја потврди одлуката за забрана на носење хиџаб во училиштата, сметајќи дека е во согласност со кодексот на облекување утврден од Министерството за образование, наука, технологија и иновации.
- Со тоа судот ја отфрли тужбата од организацијата Арита која тврди дека забраната за носење шамија во јавните образовни институции е облик на дискриминација. Во нивната тужба се наведува дека бројни девојки биле исклучени од училиштата или им било забрането да посетуваат настава само затоа што носеле шамија.
- Исламската заедница на Косово своевремено остро се спротивстави на одлуката велејќи дека шамијата не е „религиозна униформа“, туку дел од религиозната обврска на секоја муслиманка.
- Претседателот Доналд Трамп им се закани на граѓаните на Њујорк дека ќе ги остави без федерални фондови ако го изберат Зохран Мамдани за градоначалник.
- „Ако комунистичкиот кандидат Зохран Мамдани победи на изборите, малку е веројатно дека ќе придонесувам со федерални средства, освен потребниот минимум, за мојот сакан прв дом. Не сакам да фрлам добри пари“, порача Трамп.
- Претседателот не решава колку пари кој град добива од федералната влада. Откако Белата куќа ја поништи одлуката за испраќање 34 милиони долари за Њујорк заради заштита од тероризам, федерален судија ја поништи блокадата, која ја оцени како „арбитрарна, каприциозна и грубо прекршување на законот“.
- Трамп ги повика њујорчани да го дадат својот глас за поранешниот демократски гувернер Ендру Куомо, кој настапува како независен кандидат, а не за републиканскиот Куртис Слива. „Секој глас за Слива е глас за Мамдани. Повеќе сакам да победи демократ, кој беше успешен, отколку комунист без искуство и со историја на целосен и тотален неуспех“, порача Трамп.
- Гласањето е денеска. Последните анкети покажаа дека рејтингот на Мамдани е 46%, на Куомо е 32%, а на Слива 16,3%.
