Вести › Набрзинка

Трамп го турна под тепих убиството на Кашоги

19 ноември 2025

Во обид да се претстави како добар домаќин на саудискиот принц Мохамед бин Салман во Белата куќа, Доналд Трамп ги негираше американските разузнавачки извештаи дека неговиот гостин бил делумно одговорен за ликвидацијата на новинарот Џамал Кашоги во 2018 година.
Трамп ја искара новинарката Мери Брус, која го праша МБС за Кашоги, ја нарече „ужасен репортер“ и се закани дека може да биде одземена лиценцата на нејзината телевизија Еј-би-си поради „ширење лажни вести“.
„Ви се допаѓал (Кашоги) или не, се случуваат работи... Но, (принцот) не знаел ништо за тоа. Не треба да го засрамувате нашиот гостин со такви прашања“, изјави Трамп во одбрана на принцот. Бин Салман избегна директен одговор: „Тоа беше болно и голема грешка“.

Принцот Бин Салман, кој де факто е владетел на Саудиска Арабија, најави инвестиции од 1.000 милијарди долари во САД. Од друга страна, Организација Трамп, управувана од децата на претседателот, во септември најави планови за изградба на голем комплекс „Трамп плаца“ во Џеда.
Трамп организираше гала-вечера во чест на принцот и ја прогласи Саудиска Арабија за „голем сојузник на САД што не е член на НАТО“. Двајцата лидери го формализираа договорот за продажба на речиси 300 американски тенкови и борбени авиони ф-35 за Кралството.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор