Вести › Набрзинка

Трамп би ја бркал Шпанија од НАТО

10 октомври 2025

Американскиот претседател сугерираше НАТО да размисли и за исклучување на Шпанија од своите редови, бидејќи земјата заостанува зад неговите таргети во врска со трошоците за одбрана.
Кога Трамп пресече дека за Алјансата треба да се одвојува пет проценти од националниот БДПО, шпанскиот премиер рече дека тоа е неспоиво со нивната визија за социјалната држава за светот.
„Морате да ги побарате и да видите зошто заостануваат. Немаат оправдание за тоа. Искрено, можеби треба да ги исфрлите од НАТО“, предложил Трамп на средбата со финскиот претседател, Александер Стуб.
Шпанија е во НАТО од 1982 година.

3 ноември 2025

3 ноември 2025

Српската полиција синоќа приведе десетици лица и спречи напад врз „Пиоинирскиот камп“ на поддржувачи на Александар Вучиќ пред Народното собрание во Белград. Меѓу 37-те приведени лица е и поранешниот кошаркарски репрезентативец Владимир Штимац поради „поттикнување на насилство“.

Десетици илјади граѓани вчера пристигнаа на платото пред Собранието за да ѝ изразат поддршка на Дијана Хрка, мајката на момче што загина при уривањето на настрешницата на железничката станица во Нови Сад пред една година. Таа почна штрајк со глад, поради тоа што властите избегнуваат одговорност за смртта на нејзиниот син и на уште 15 луѓе при трагедијата.
Група демонстранти ги нападнале симпатизерите на Вучиќ што кампуваат пред Собранието. Фрлале камења, шишиња и пиротехника и запалиле еден шатор.

Поранешниот претседател Борис Тадиќ ги повика граѓаните на Србија да ѝ изразат поддршка на мајката што штрајкува со глад и секоја вечер да протестираат во Белград. Оние што не можат да дојдат, ги повика да организираат протести во своите места: „Сите на улица!“. Претседателката на собранието Ана Брнабиќ го обвини Тадиќ дека повикува на насилства и граѓанска војна.