Вести › Набрзинка

Таткото на Вања одби да му одговара на Палевски

11 април 2025

Љупчо Палевски-Палчо: Дали сте слушнале дека сум имал комуникација со било кој член од вашето семејство?

Александар Ѓорчевски: Јас како што кажав ниту ве знам ниту ве познавам, за прв пат ми бевте посочени како монструм во полициска станица, првпат ве видов тука во судница, ниту па знам човек што ве познава вас вклучително и моето семејство. И би ја искористил можноста да не одговорам на ваши прашања, инаку секое моj нареден одговор ќе гласи исто.
После ова Палевски рекол дека сака да се откаже од прашањата.
„Не сакам да го вознемирувам човекот кој е неправедно обвинет“, рече Палевски, но судијата Стефановски го охрабри да продолжи со прашањата.
Посебна приказна е обвинителката Жаклина Крстевска-Јосифовска која најмногу прашања имала за становите и нивното префрлање на децата.

извор

Таткото на Вања: Ако полицијата го бараше исчезнатото возило, сега ќе зборувавме само за убиство на Панче

11 април 2025

Обвинетиот Александар Ѓорчевски, татко на убиената Вања, кажа дека е пропуст на полицијата што не го барале возилото на Панче, и ако го нашле, во тој случај Вања немало да биде киднапирана и убиена.
Тие нè испрашуваа со колку недвижен имот располагаме, кој колку возила има, не им беше за верување дека Зорица превела стан на мое име, и од самиот почеток почувствував дека се сомневаат во мене, кажа тој на сведочењето.
Таткото на Вања откри и дека самиот барал да биде ставен на детектор на лаги.

извор

Уапсен е Миле Кекин

11 април 2025

Уапсен е Миле Кекин, поранешниот фронтмен на групата Хладно пиво и сопруг на пратеничката Ивана Кекин, во врска со купување имот во Бује на Истра. Кекин наводно е обвинет за предизвикување штета помала од 7.000 евра.
Одделението за борба против организиран криминал и корупција (УСКОК) на Хрватска ја приведе и поранешната шефица за просторно планирање на Бује, а се претресува и градската управа и канцеларијата на градоначалникот.
„Мислите ли дека некој што може да заработи толку пари за еден саботен концерт би се изложил на кривично гонење? Секако дека не. Ова е наместено и политички инструментализирано“, изјави пратеничката Сандра Бенчиќ.
Аферата „Вила на Бује“ беше отворена спроти претседателските избори, на кои Ивана Кекин настапи како кандидатка на партијата Можемо. Таа ги отфрли критиките дека со сопругот незаконски го купиле имотот што го реновирале и привремено го изнајмуваат.
„Сè што сме стекнале во животот сме го заработиле со сопствени раце. Јас сум специјалистка за психијатрија, мојот сопруг е рок-ѕвезда, една од најголемите на овие простори. Мојот имот е пријавен, поголемиот дел стекнат пред да влезам во политиката“, изјави тогаш Ивана Кекин.