- Светската здравствена организација изгласа Договор за пандемии, за да не се повторат во иднина грешките од справувањето со ковид-19. За нацрт-договорот гласаа 124 земји, а 11 беа воздржани. Деталите ќе бидат утврдени до мај идната година.
- Целта на договорот е „зајакнување на спречувањето, подготвеноста и одговорот“ на пандемии. Здравствените одлуки мора да бидат базирани на „најдобрите достапни научни докази“.
- Превентивните мерки опфаќаат намалување на биолошките ризици во лабораториите, спречување антимикробски отпор, запирање на трансмисии на болести од животни на луѓе и рутински имунизации.
- Платформата ПАБС ќе треба да овозможи брзо споделување податоци за патогени со фармацевтските компании, за да можат рано да развиваат соодветни лекови.
- Фармацевтските компании ќе треба да донираат на СЗО 10% од лековите заради понатамошна дистрибуција и да обезбедат уште 10% по „достапни цени“. Овој механизам во 2026 година ќе биде вметнат како анекс, по што земјите ќе може да го ратификуваат договорот.
- Швајцарската полиција соопшти дека „неколку десетици“ луѓе загинаа а над 100 се повредени во пожарот што избувнал во бар во популарното скијачко место Кран-Монтана.
- Италијанското министерство за надворешни работи излезе со бројка од 40 загинати, но таа не е конечна.
- Трагедијата во барот „Le Konstelasion“ во монденското место има морничави сличности со македонската трагедија во кочанскиот клуб Пулс. Пожарот настанал од пиротехника поставена на шишиња која го запалила таванот па настанала паника. Час и половина после полноќ се слушнала и силна експлозија.
- Поранешниот директор на затворот „Скопје“ во Шуто Оризари, Филип Андов – Сокол, е осуден на казна затвор во траење од осум месеци за злоупотреба на службената положба и овластување.
- На останатите обвинети, шест затворски полицајци, им се изречени условни казни затвор кои нема да се реализираат доколку во наредните една, односно три години, не сторат ново кривично дело.
- Обвинетите на петмина осуденици им овозможиле незаконски погодности. Осудените биле спроведувани до своите домови и до други локации за приватни потреби, спротивно на пропишаната постапка.
- Од СДСМ ја обвинија актеулната власта дека преку „нарачани судски пресуди“ врши директна репресија врз партиски функционери од опозицијата.
- ВМРО-ДПМНЕ велат дека Андонов неодамна беше назначен за член на Извршниот одбор на опозициската партија за да може пресудата за него подоцна да се претстави како политички прогон.
