Вести › Набрзинка

Сведок: Изберете го Незири и сите заедно да се исселиме од Македонија

4 ноември 2022

За првпат шеф на Јавното обвинителство за гонење организиран криминал и корупција ќе биде избран на непосредни избори, со гласаљњер на околу 160 обвинители, кои преку едно од понудените четири имиња ќе ни испратат јасна порака, дали обвинителите се подготвени за гонење на сериозен и организиран криминал или како и до сега, сè ќе тече, ама ништо не се менува!
Деновиве ми се јавуваат обвинители и ми кажуваат како Бубевски лобира Незири да стане шеф на ОЈО ГОКК, пишува Сведок.
Ако го нема лобирањето на Бубевски и поддршката на СДС, се сеќава ли некој на кои предмети работел Ермонд Незири, кога презентирал свој став или мислење, каде настапил или објавил стручни трудови? И да барате, нема да најдете!
Затоа, еве јас ќе се сетам на сите одлагања на предметот „Телеком“, каде што им се суди на поранешни директори, странски државјани, кои си префрлале илјадници евра за измислени консултантски услуги, се наведува во текстот.

извор

Украинскиот Владо Таневски

20 август 2026

Хрватската полиција во Пула го уапси украинскиот нуркач Володимир Журавлев, кого германското судство го сомничи за кревање во воздух на гасоводот „Северен тек“ во 2022 година - додека работел на филм кој се занимава токму со таа саботажа.
Се работи за холивудски политички трилер во режија на прославениот режисер Даг Лиман (The Bourne Identity, Mr. & Mrs. Smith, Edge of Tomorrow...), со Шон Пен и Адријан Броди, директно инспириран од експлозиите кои го уништија Северен тек а следи операција на тајна екипа украински нуркачи во исклучително опасна мисија.
Журавлев бил ангажиран на снимањето на подводните сцени каде бил лоциран и уапсен.
Ова е трет обид за негово приведување.
Пред две години избегна апсење во Полска од каде со автомобил на украинскиот воен аташе бил префрлен во Украина.
Една година подоцна повторно се појави во Полска, полицијата го приведе, но полскиот суд одби да го екстрадира во Германија со образложение дека уништувањето на руската енергетска инфраструктура е легитимна воена цел во воени околности. Но, налогот за апсење од сојузниот суд во Карлсуе остана на сила.
Владо Таневски беше новинар и сериски убиец кој за убиствата на неколку жени пишувал хонорарни статии и репортажи. Заврши со мистериозно (само)убиство во кофа вода.

извор

Затворена истрагата за модуларните болници: Немало ништо спорно

20 август 2026

Основното јавно обвинителство за гонење на организиран криминал и корупција не утврдило основи за сомнение дека е сторено кривично дело при јавните набавки поврзани со изградбата на 19 модуларни болници.
Биле анализирани јавните набавки, техничките спецификации, договорите, проектната документација и релевантните законски прописи.
По анализата на сите докази и извршените проверки, Обвинителството не утврдило факти што би укажале дека службено лице ја искористило или пречекорило службената положба и овластување, или не ја извршило службената должност со цел да прибави значителна имотна корист или да предизвика значителна штета.

извор