- Глобално, најбараниот термин во годината која изминува е „Wordle“, популарната игра во која треба да погодиш збор од пет букви, која Њујорк Тајмс ја купи за милионска сума.
- Постојат и други верзии на таа идеја: Quordle (да погодиш 4 различни збора од по пет букви), Worldle (да ја погодиш државата од обликот на нејзините граници), Tradle (да ја погодиш државата според нејзиниот БДП и извоз). Кај нас популарна е македонската верзија Зборле.
- За вести, најбаран поим е Украина а високо котира и Владимир Путин.
- Годината пројде (а денот никако) барајќи содржини за Џони Деп, Амбер Херд, Вил Смит, Крис Рок, Кралицата Елизабета...
- Кинеската влада ги прекина сите врски со чешкиот претседател Петр Павел поради тоа што му го честитал роденденот на Далај Лама.
- Павел на 27 јуни го посетил тибетскиот верски лидер во Индија, каде што половина век живее во егзил.
- „Средбата е сериозно нарушување на политичката заложба на чешката влада и го повредува суверенитетот и територијалниот интегритет на Кина. Поради сериозноста на провокативната акција на Павел, Кина реши да ги прекине сите односи со него“, објави Министерството за надворешни работи.
- Поранешниот чешки претседател Вацлав Хавел му беше близок пријател на Далај Лама.
- Мексико екстрадирал во САД 26 водачи на нарко-картели, како израз на спремност за соработка со администрацијата на Доналд Трамп.
- Меѓу наркобароните што биле испорачани се и Абигејл Гонзалес Валенсија, водачот на картелот Лос Куинис поврзан со озлогласената група Халиско, како и Роберто Салазар, кого САД го бараа во врска со убиство на заменик-шериф од Лос Анџелес во 2008 година.
- „Ова е пример за историските напори на администрацијата за разнебитување на картелите и странските терористички организации. Сите 26 лица имале улога во насилства и испорака на дрога на американскиот брег. Тие ќе се соочат со сурови последици за злосторствата против нашата земја. Благодарни сме и на претседателката Клаудија Шејнбаум за соработката“, изјави американската главна обвинителка Пам Бонди.
- Пред само неколку дена Њујорк тајмс објави дека претседателот Трамп побарал од Пентагон да ги разгледа можностите за употреба на воени сили за интервенција против наркокартели во латиноамерикански земји.
- Трамп во април директно побарал од претседателка Шејнбаум да дозволи американски трупи да влезат во Мексико, а таа му одговорила: „Соработуваме, но вие на вашата територија и ние на нашата. Нема да има инвазија“.
