Вести › Набрзинка

СДСМ и ДУИ против намалувањето на патарините

7 април 2022

Како круцијален анти-кризен закон, предлог измената на Законот за јавни патишта предвидувала цените на патарините да се намалат за 50 посто.

Македонија знае милионски да се задолжува за нови патарини и нив ги имаме на 20 километри, што го прави апсурден поимот дека е тоа некаков авто-пат.
За делница од 75 километри, на човек од Штип годишно му се потребни 1 250 евра, од Куманово 800 евра за 40 километри, од Велес речиси 1.000 евра за 50 километри, од Тетово 650 евра за 42 километри, од Гостивар 1.100 евра за 65 километри. За истото време од година дена, граѓаните на Унгарија плаќаат 146 евра, на Австрија 109 евра и на Бугарија 60 евра.

извор

Ана Чупеска извади неколку добри идеи

4 декември 2025

Со децении слушаме за борба против корупцијата како да е некоја митска, недостижна дисциплина. Доста беше дијагностицирање на патологијата; време е за терапија на шок. Наместо истрошената реторика, ни треба радикална прагматика, пишува доскорешната потпретседателка на СДСМ.
Замислете, наместо перверзијата во која криминалците си го откупуваат конфискуваниот имот преку трети лица (де факто, земајќи кредит од сопствениот криминал), да воведеме механизам на Социјална реупотреба. Тоа е италијанскиот Antimafia Codice преведен на македонски: конфискуваната вила на Водно не се продава на „братучедот“, туку преку ноќ се трансформира во центар за деца со попреченост или засолниште за жртви на насилство. Тоа не е само правда, тоа е симболичка детоксикација на просторот.
Ни треба светлосен удар врз буџетот. По примерот на словенечкиот Supervizor Erar, треба да инсталираме дигитален „Голем Брат“ за државните пари – платформа која во реално време, без филтри и без „административни одложувања“, ќе ја покаже секоја исплата. Сакаме да видиме како парите патуваат од МЕПСО до некоја фантомска фирма за „консултантски услуги“. Кога парите стануваат видливи, корупцијата ја губи својата интимност; таа веќе не може да се крие зад флоскулата „деловна тајна“.
Без обвинители-самураи, независни од партиските телефони, кои ќе имаат само една задача, да ловат „големи риби“, нашиот правосуден систем ќе остане само скапа сценографија за евтина претстава.
Сето ова мора да биде „армирано“ со целосна дигитализација. Да го елиминираме шалтерскиот феудализам каде малиот службеник глуми Бог барајќи „уште еден документ“. Кога алгоритмот одлучува за лиценцата, нема простор за „честење“, умно пишува проф. др Ана Чупеска, која уште да научи дека не мора да нè дразни со непотребна употреба на Северна.

извор

Спиете ли мирно „Преспанци“: CNN земјава ја вика „Претходно позната како Македонија“

4 декември 2025

CNN Travel објави исклучително позитивна репортажа за Македонија под наслов „Сè уште постои една прекрасна јужноевропска земја со вкусна храна, одлично вино и без туристички толпи.“
„Претходно позната како Македонија по прогласувањето на независноста од Југославија во 1991 година, Северна Македонија е недоволно истражен дел од Балканот чија слоевита историја, од византиската и османлиската до југословенската ера, се комбинирала со нејзините сеприсутни планини за да создаде збир на регионални култури со цврста посветеност на традицијата и топло, срдечно гостопримство“, пишува CNN.
Потсетувајќи дека Македонија е само нешто поголема од Вермонт, велат дека таа сè уште е раат од толпите туристи што секое лето го затнуваат поголемиот дел од Јужна Европа.
Пишуваат за Охрид, Свети Наум, Галичица, Шар планина, како и за домашните земјоделски производи:
„Просечниот македонски човек јаде производи што во американски супермаркет би изгледале вонземски - праз долг еден метар, домати со големина на безбол топка и црвени пиперки што можете да ги почувствувате од зад аголот“.
Биле и по кафани па пробале и ајвар, ракија, пастрмајлија, бурек.... Нема утка.

извор