- Заради одбрана од руски лесни дронови, Украина поставила заштитна мрежа над патишта во вкупна должина од 1.160 километри.
- Тоа е речиси исто колку воздушната линија од Скопје до Киев.
- Државна специјална служба поставува дрвени или метални рамки покрај патиштата и преку нив распнува тешка мрежа во која се заплеткуваат квадрикоптерите и други лесни дронови. Се користат рибарски и земјоделски мрежи, како и донирани од западните сојузници.
- Во мај била поставена мрежа над патишта во должина од 210 километри, а од почетокот на годинава над 822 километри, главно во регионите близу до линијата на фронтот. Нема податоци колку дронови се „уловиле“.
- Русија лани прва почна да гради тунели од мрежа со која ги покри стратегиски важните патишта во регионот Доњецк.
- Фрчко има ток-шоу. What the fuck? Што е следно? Заев има бенд и свири кеј поп (K-pop)? Пее преработки од Харис Џиновиќ на корејски? Чекај, застани, не се возбудувај, слушни што зборуваат Фрчко и Љубчо!
- Па дали сум бре јас нормален? Зошто седам и слушам што дрдорат двајцава? Имам ли јас три грама памет? Немам. И ете, слушам. А-ха, србизација. Страшна србизација надвиснала над Македонија. Мицкоски ја надвиснал.
- Така оди обично тоа со вмровците кога се на власт – прво се бугараши, потоа антиквизираат и еве сега станаа и србомани. Кои спроведуваат орбанизација. За да ѝ учинат на Русија. Ма, генијално! Каква страшна и длабока анализа. Анализиште.
- Немаме друга алтернатива, освен СДСМ назад на власт за да нè спаси од вмроовската србизација, спроведувана од Мицкоски, Вучиќ и Орбан, а смислена лично од Путин меѓу две бомбардирања на Украина и потоа, Филипче само треба да продолжи онаму каде што Заев и Ковачевски застанаа – целосна демакедонизација на Македонија.
- Ѓорѓи Илиевски, виш просветен инспектор во пензија, лани во јуни поднел кривична пријава поради сомневања за злоупотреби во текот на постапката за нострификација и избор во наставно-научно звање на проф.д-р Иван Бимбиловски, сегашен Ректор на Универзитетот “Свети Апостол Павле” во Охрид.
- Пет месеци подоцна добил писмено известување од јавната обвинителка Викторија Коваческа Мандулоска дека пријавата е отфрлена.
- За Илиевски ова е крајно непрофесионална одлука: Бимбиловски ја нострифицирал докторската но претходно не ја нострифицирал магистерската што за обвинителката не било пречка за негово напредување.
- Дополнителен правен фушерај е и што иако донела одлука во корист на Бимбиловски, Викторија Коваческа Мандулоска нотирала дека тој има право на жалба (?1).
- „Како највисока институција, Ве замолувам да спроведете истражување за непрофесионално работење на јавниот обвинител во овој случај и истовремено да се распореди предметот кај нов јавен обвинител кој повторно ќе постапи по случајот и да се откријат сите сомнежи, како во однос на постапувањето на надлежните во секторот за нострификација, така и во однос на умисленото дејствување на пријавениот“, пишува Илиевски во отвореното писмо до јавниот обвинител на Република Македонија, Ненад Савески.
- Ѓорѓи Илиевски е познат македонски просветен инспектор и поранешен виш просветен инспектор, кој во јавноста е најпознат по обелоденувањето на скандали со нерегуларно стекнати академски титули и незаконски унапредувања на политички функционери во професорски звања на државните универзитети.
