Вести › Набрзинка

САД го продадоа Ву Танг албумот на Мартин Шкрели

12 ноември 2021

Американската држава, за непознати пари и на непознат купувач ја продала единствената копија од албумот на Ву Танг Клан “Once Upon a Time in Shaolin“ кој своевремено го поседуваше озлогласениот Мартин Шкрели.
Тој стана познат откако дигна цена на еден важен за живот лек за цели 5.000 проценти а потоа беше осуден за измама на инвеститорите на седум години затвор.
Уникатниот албум го добил по цена од два милиона долари а го предал на државата поради обврска за плаќање обештетувања во висина од 7,4 милиони долари.

п.с. полош од Шкрели е само Фајзер.

2 февруари 2025

Новата американска администрација од Украина бара да одржи избори до крајот на оваа година, особено ако во меѓувреме се дојде до некаков договор за примирје, прекин на огнот или нешто повеќе од тоа.
„Демократски држави организирале избори и во време на војна“, изјави Кит Келог, спедијалниот пратеник на Трамп за Украина и Русија. „Изборите секогаш се добри за демократијата“.
Иако сè уште не се познати контурите на американскиот план за Украина, се претпоставува дека идејата е прво да се дојде до договор за прекин на огнот а по изборите во Украина, властите кои ќе имаат полн легитимитет да бидат одговорни за спроведување на долгорочните обврски од договорот меѓу Москва и Киев.

2 февруари 2025

Конгресменка од Флорида предлага американскиот претседател Доналд Трамп да биде додаден на четворицата историски американски претседатели чии ликови се издлабени на планината Рашмор.
Таму се Џорџ Вашингтон, Томас Џеферсон, Теодор Рузвелт и Абрахам Линколн а според предлогот на Ана Паулина Луна, ликот на Трамп би бил додаден до оној на Линколн.
На слична тема имало и други предлози: по Трамп да биде крстен меѓународниот аеродром во Вашингтон (Демократите возвратија со предлог, со името на Трамп да се закити некој затвор) или пак неговиот лик да се стави на новчаница од 500 долари.