Русјаков: За гревота
2 ноември 2024
- Камала или Доналд? Ете го прашањето. Насмевката на убавицата или намќорскиот сурат на ѕверот? Делумно обоената дама или белото расистичко сељ…ште? Наследничката на Хилари или другар му на Адолф?
- Ние по дома традиционално сме во „Кенеди муд“ уште од времето кога наш Јоже и нивни Џони беа супер другари. И денес кај нас во дневна соба стои врамена реченицата што дедо ја викнал кога го убиле Кенеди, „Далас, а богами и Тексас, за мене веќе не постои!“
- Што ако Доналд ја победи Камала? Што ако „ѓубрето“ на Трамп ги надгласа сите оние убави, дотерани, избањати, умни и насмеани прогресивни луѓенца? Што ако во нашата Бела куќа влезе небањат расист, шовинист, криминалец, националист, хомофоб и мизогин реднек? Кај ќе ни биде крајот? Е па, со него ќе ни дојде крајот. Економскиот крај сигурно. Па, го слушате ли што зборува? Да се прашувал он, немало да има војни во Украина и во Газа. Ма, немој!
