- На некој во ЕУ му пречи Божиќ. Знам за какви идиотштини се способни прогресивциве. Така е кога немаш ништо креативно во умот и душата. Тогаш деструктивноста ти е единствено бегство пред фактот дека си бескорисен.
- Што следно ќе смислат по навредливиов Божиќ? Можеби млекото. Премногу е бело. Многу расистички од негова страна. Шведска невладина организација веќе го изнесе овој проблем во прогресивната јавност. Навистина, како црнкиња да го дои своето бебе со толку бело млеко? И што значи тоа? Дека уште од мали нозе децата се задоени со бел расизам?
- Ова се прашања од огромна важност за иднината на нашата планета. Па така, веќе утре, едно сосем обично дете од Африка, ќе знае дека природните појави немаат хетеросексуална ориентација, белото млеко со кое мајка му го доела е еволутивна дискриминација, Петар Пан е расистичко копиле, Дедо Мраз геј, а Божиќ е крајно навредлив ден.
- И потоа, тоа Африканче ќе може среќно и прогресивно да умре од глад. Е, околу тој глад не треба ништо да се презема и да се менува. Мора да го има. Оти ако нема глад, прогресивците загрижени за планетава ќе немаат можност да бидат филантропи и хуманитарци.
- Рускиот претседател Владимир Путин со указ го прошири обемот на оружените сили за уште 15.500 лица на вкупно 2,44 милиони, од кои 1,5 милиони се активен воен персонал.
- Ова е трето зголемување на руските оружени сили годинава. Од март се додадени вкупно 47.860 војници и персонал.
- Украинскиот претседател Володимир Зеленски вчера изјави дека Русија веќе почнала со нова мобилизација, која опфаќа и странски војници, вклучувајќи и уште 10.000 кои треба да пристигнат од Северна Кореја.
- Во јули, украинските разузнавачки служби проценија дека рускиот Генералштаб изготвил план за мобилизација на дополнителни 600.000 луѓе – 300.000 во текот на 2026 година и уште толку во 2027 година.
- Доналд Трамп го прашал Си Џинпинг дали Кина сака да купи американско оружје, изјави амбасадорот на САД во Пекинг, Дејвид Пердју. Не прецизира дали понудата ја дал на самитот во Вашингтон пред неколку дена или во Пекинг во мај.
- „Претседателот Трамп постојано вели дека САД продаваат оружје низ светот. Тој всушност во еден момент го праша претседателот Си дали би сакал да купи“, изјави Пердју за Фокс њуз.
- „Законот на САД забранува продажба на оружје на Кина и не постои понуда или план за продажба на оружје на Кина“, соопшти Стејт департментот.
- Спроти самитот во мај, Трамп ја одложи продажбата на пакет американско оружје за Тајван во вредност од 14 милијарди долари како „добар адут за преговори“ со Пекинг.
- Пердју потврди дека САД не ја промениле својата политика во однос на Тајван: го почитуваат ставот на Пекинг „Една Кина“, но во исто време му даваат безбедносна поддршка на Тајпеј.
