Вести › Набрзинка

Ромски госпел во Лесковац

5 септември 2022

„Ти си моје поуздање, нека чују све махале“ е една од спиритуалите кои секоја недела во 18 часот ја пеат стотина Роми, мажи, жени и деца, во нивната протестантска црква во Лесковац.
Се пее со раширени дланки, затворени очи, некогаш се паѓа на колена... „како на филмови.“
20 години биле под еден голем сино-бел шатор а се надеваат дека до 2024 година ќе се префрлат во цврста градба.

извор

Рубио: САД сакаат да го оживеат пријателството со Европа

14 февруари 2026

САД ѝ нудат ново партнерство на Европа во новиот светски поредок, но спремни се да го градат самите, изјави државниот секретар Марко Рубио во обраќање со изразено помирувачки тон на Минхенската безбедносна конференција.
Опишувајќи ја Америка како „дете на Европа“, Рубио забележа дека Американците можеби се чинат премногу директни, но тоа е затоа што се „длабоко загрижени за судбината на Европа, со која имаат испреплетени судбини“.
„САД под водство на Трамп не сакаат слаба Европа, окована од вина или срам. Ние во Америка немаме интерес да бидеме учтиви чувари на контролиран распад на Западот. Не се стремиме да се разделиме, туку да го оживееме старото пријателство и да ја обновиме најголемата цивилизација во човечката историја. Сакаме обновен сојуз кој ќе препознае дека она што ги мачи нашите општества не е само збир на лоши политики“, изјави Рубио.
Тој забележа дека САД и Европа заедно правеле исти грешки, како поклонувањето кон климатскиот култ, проширувањето на социјалните политики на сметка на националната одбрана и прифаќањето на глобализацијата.
„Преземањето контрола врз националните граници не е ксенофобија или омраза. Тоа е фундаментален чин на национален суверенитет. Неуспехот да се стори тоа не е само напуштање на една од најосновните обврски кон нашиот народ, туку е и итна закана за ткивото на нашите општества и опстанокот на нашата цивилизација“, истакна Рубио.
Европските лидери на конференцијата го поздравија говорот со аплауз и големо олеснување, за разлика од реакцијата на ланските остри критики во Минхен, со кои потпретседателот Џ. Д Венс практично го најави повлекувањето на САД како заштитник на Европа.

извор

Администрацијата на Трамп го тужи Харвард

14 февруари 2026

Министерството за правда поднесе тужба против Универзитетот Харвард за непочитување на истрагата за правила за прием на студенти.
Администрацијата тврди дека институцијата крие информации за тоа дали има расно дискриминирачки критериуми и после значајната одлука на Врховниот суд кој забрани расата да иима влијание врз бодувањето и приемот.
Харвард наводно одбил да предаде евиденција за примени студенти и кандидати. Според обвинителот, ако Харвард имаше престанато да дискриминира одредени раси (белците - н.з.), со задоволство ќе ги предадеше бараните документи.
Администрацијата на Трамп се обиде да замрзне милијарди долари во федерални истражувачки грантови и договори, како дел од својата борба против антисемитизмот на кампусот на Харвард. Кога факултетот пружи отпор, Трамп се фати за можноста Харвард да запишува странски студенти и се закани со укинување на статусот за ослободеност од данок.
Паралелно со сето ова, Трамп прво бараше 500 милиони па после една милијарда долари за решавање на неколку истраги за граѓански права против факултетот.

извор