Вести › Набрзинка

Рикна Банката на Силициумската долина

13 март 2023

Колабираше најважната банка за финансиите на технолошката индустрија во САД а државната секретарка за финансии, Џенет Јелен, порача дека банката нема да биде спасувана со федерални пари.
Во ургентна потреба од кеш, банката почна да продава обврзниси со голема загуба, што инстантно ги испаничи клиентите и инвеститорите.
Од веста за продажба на обврзници до колапс на банката минаа само 48 часа.
Поголем колапс од ова (209 милијарди долари) ѝ се случи само на „Washington Mutual“ (307 милијарди) во 2008 година.

16 октомври 2026

Жителите на Харгиеса, главниот град на Сомалиленд, масовно излегоа на улиците, вееја американски знамиња и извикуваа „Да живее Америка!“, прославувајќи ја изјавата на Доналд Трамп дека нивната самопрогласена држава е „сосема различна земја од Сомалија“. Изјавата, сепак, не значи дека САД го признаваат регионот за независна држава.

„Изјавата на Доналд Трамп го означува почетокот на американското признавање на Сомалиленд“, изјави Али Хаши од Харгиеса.
Отцепениот регион, кој е на стратешка геополитичка локација во Аденскиот Залив, досега е признаен само од Израел. Поседува сопствена валута, пасоши и војска и важи за постабилен и подемократски од Сомалија.
Сомалиленд стекна независност од Британија во 1960 година, само пет дена пред Сомалија да се ослободи од италијанските колонизатори. Двата региона се споија во Република Сомалија, но во 1980-тите почнаа граѓанска војна. Сомалиленд повторно прогласи независност во 1991 година.
Патем, Трамп забележа дека не му се допаѓа името Сомалиленд. Му било позгодно да биде „Сомалија Ленд“.