- Додека на последните избори беше прашање дали ултра-националистичка Преродба воопшто ќе влезе во парламентот, последните сондажи покажуваат дека тие сега се борат за трета по големина партија во Бугарија.
- „Македонија е втората бугарска држава на Балканскиот Полуостров и Преродба работи на обединување на двете бугарски државни формации во една заедничка држава. Патот до ова обединување е целосна економска, културна и политичка интеграција, што ќе доведе до обновување на нарушеното единство на бугарската нација и ќе ја направи Бугарија најголема и најсилна земја во Југоисточна Европа“, пишува во програмата на Преродба.
- Претседателот на Преродба, неодамна се пофали дека илегално влегол во Македонија и оставил бугарско знаме на тромеѓето на „двете бугарски држави и Грција“.
- Додека Бугарите го вадат најлошото од себе, овдешните лицемерни одроди мантраат дека го тераат „европското“ и се колнат дека нема да скршнеме од тој пат (како некогаш од комунистичкиот). Нит во комунизмот стасаа, нит во ЕУ ќе стасаат.
- Министерството за правда на САД ги олабави ограничувањата за некои производи од марихуана и ја класифицира дрогата како помалку опасна, што е една од најголемите промени во политиката за дрога на САД во изминатите децении.
- Овој потег не ја легализира марихуаната на федерално ниво на САД, но се очекува да ја преобликува индустријата што достигна вредност од 47 милијарди долари. Разлабавува бариери на федерално ниво, иако марихуаната веќе е легализирана за медицинска употреба во речиси сите сојузни држави (освен во Ајдахо и Канзас), а во 24 е дозволена и за рекреативна употреба.
- Производите од канабис регулирани од државата сега се префрлени од групата лекови „што предизвикуваат висока зависност“, како хероинот, во помалку рестриктивна категорија „со низок до умерен потенцијал за злоупотреба“, како вообичаените лекови против болки, кетамин и стероиди. Компании истражуваат фармацевтска употреба на марихуана за справување со болка, симптоми на рак, анксиозност и други нарушувања.
- „Оваа мерка овозможува истражување за безбедноста и ефикасноста на оваа супстанца, со што пациентите ќе добијат подобра грижа, а лекарите посигурни информации“, соопшти државниот обвинител Тод Бланш.
- Марихуаната е најшироко користената нелегална дрога во САД и во светот. Речиси еден од пет жители на САД ја користи годишно, според Центрите за контрола и превенција на болести. Милиони Американци се уапсени за поседување на дрога. Новата одлука нема влијание врз казните.
