- Српската полиција уапсила 70-годишен маж што пукал од пиштол и запалил шатори во „Ќациленд“ - кампот со приврзаници на претседателот Александар Вучиќ пред Народното собрание во Белград.
- Од истрелите бил ранет случаен минувач, кој во тешка состојба бил пренесен во Ургентниот центар и лекарите се борат да му го спасат животот.
- Откако пукал, напаѓачот од ранец извадил канистер, полеал бензин околу шаторите и го запалил.
- Полицијата итно реагирала и го привела напаѓачот, кој носел уште канистри со бензин. Ќе биде обвинет за обид за убиство и предизвикување општа опасност. Првичните резултати од истрагата укажуваат дека напаѓачот бил пресметлив и имал намера да предизвика што е можно повеќе жртви.
- Претседателот Вучиќ објави снимка на која напаѓачот изјавил дека „сакал полицијата да го убие“. Додека го истурал бензинот, пукал во човек што му се приближил.
- По 30 дена затворски притвор добија тројца осомничени – Арта Асани директорка на ЈП „Комуналец“ – Гостивар и раководителите Леон Уредини и Вадедин Дервиши, одлучи судијата на претходна постапка Ќирко Михајлоски од гостиварскиот суд.
- Обвинителството ги товари Асани, Уредини и Дервиши за кривично дело „тешки дела против животната средина и природата“ за кое казната е од четири до максимални 20 години затвор.
- Во едно деноноќие во гостиварската болница биле прегледани нови 198 пациенти, информира директорот на болницата, Емри Бајрами. Поради здравствената состојба во која се наоѓа, еден од пациентите е упатен на Инфективната клиника во Скопје.
- Владата донесе одлука за прогласување на 30 дневна кризна состојба во Гостивар.
- Истражители од унгарското обвинителство денеска извршија претрес во просториите на партијата Фидес на поранешниот премиер Виктор Орбан и запленија компјутерски сервери со електронски пораки и комуникации.
- Обвинителството објави дека претресот е дел од истрагата за корупција и злоупотреба на пари од Националниот фонд за култура.
- Даночните власти открија дека управата на Фондот спротивно на правилата издала 1.079 грантови во вкупна вредност од 54 милиони долари. Приведени се шест лица, вклучувајќи политичари од гарнитурата на Орбан.
- Фидес ја оцени рацијата како обид на новиот премиер Петер Маѓар и на неговата партија Тиса да ја уништат опозицијата: „Вакво нешто немало во Унгарија уште од крајот на комунистичкиот режим во 1990 година“.
