- Со пресуда на 68 страници, Апелацискиот суд во Кожани, Грција, реши да ја поништи регистрацијата на Центарот за македонски јазик.
- Претходно (март, 2023) судот во Лерин ја потврди законитоста на регистрацијата на оваа невладина организација но сега тоа е поништено со одлукатата на регионалната Апелација.
- Регистрацијата на центарот своевремено беше гласно славена како плод на договорот од Преспа.
- „Преспанскиот договор ја обврзува Грција да признае македонски идентитет и македонски јазик единствено на територијата на Р. Македонија, но не и на нејзината територија. Од друга страна, на Р. Македонија со договорот ѝ е забрането да интервенира по прашања за македонско етничко малцинство во Грција. Оттука, Грција е свесна дека не го прекршува договорот, бидејќи вториот потписник, Р. Македонија, не може конкретно да реагира за работи од внатрешни прашања во Грција“, се вели во рекцијата на историчарот Димитар Љоровски Вамваковски
- Хрватската полиција во Пула го уапси украинскиот нуркач Володимир Журавлев, кого германското судство го сомничи за кревање во воздух на гасоводот „Северен тек“ во 2022 година - додека работел на филм кој се занимава токму со таа саботажа.
- Се работи за холивудски политички трилер во режија на прославениот режисер Даг Лиман (The Bourne Identity, Mr. & Mrs. Smith, Edge of Tomorrow...), со Шон Пен и Адријан Броди, директно инспириран од експлозиите кои го уништија Северен тек а следи операција на тајна екипа украински нуркачи во исклучително опасна мисија.
- Журавлев бил ангажиран на снимањето на подводните сцени каде бил лоциран и уапсен.
- Ова е трет обид за негово приведување.
- Пред две години избегна апсење во Полска од каде со автомобил на украинскиот воен аташе бил префрлен во Украина.
- Една година подоцна повторно се појави во Полска, полицијата го приведе, но полскиот суд одби да го екстрадира во Германија со образложение дека уништувањето на руската енергетска инфраструктура е легитимна воена цел во воени околности. Но, налогот за апсење од сојузниот суд во Карлсуе остана на сила.
- Владо Таневски беше новинар и сериски убиец кој за убиствата на неколку жени пишувал хонорарни статии и репортажи. Заврши со мистериозно (само)убиство во кофа вода.
- Основното јавно обвинителство за гонење на организиран криминал и корупција не утврдило основи за сомнение дека е сторено кривично дело при јавните набавки поврзани со изградбата на 19 модуларни болници.
- Биле анализирани јавните набавки, техничките спецификации, договорите, проектната документација и релевантните законски прописи.
- По анализата на сите докази и извршените проверки, Обвинителството не утврдило факти што би укажале дека службено лице ја искористило или пречекорило службената положба и овластување, или не ја извршило службената должност со цел да прибави значителна имотна корист или да предизвика значителна штета.
