Вести › Набрзинка

Пред СЗО ќе се вее и палестинското знаме

26 мај 2025

Палестинската делегација во Светската здравствена организација доби право да го развее своето знаме пред СЗО, како симболична победа што може да овозможи пошироко признавање на палестинската држава.
Предлогот за истакнување на палестинското знаме го поддржаа 95 членки на СЗО. Против беа Израел, Унгарија, Германија и Чешка, а 27 беа воздржани.
Палестинците имаат статус на набљудувачи, без полноправно членство во Светската здравствена организација. Сличен статус имаат и во Обединетите нации, откако Генералното собрание на ОН лани ја поддржа нивната кандидатура за членство.
Францускиот претседател Емануел Макрон најави дека во јуни ќе ја признае Палестина како држава, но ги повика и сите арапски земји да го признаат Израел.

6 април 2026

Астронаутите на Артемис II кои сега се наоѓаат поблиску до Месечината отколку до Земјата, се соочуваат со многу овоземен проблем: нужникот не им работи.
Проблемите настанале веднаш по полетувањето а од тогаш тоалетот те работи, те не работи.
Астронаутите пријавиле непријатен мирис а капетанот на посадата уверува дека се добро и дека се тренирани за разни предизвици.
Дописни водоводџии на НАСА претпоставуваат дека мраз ја има заглавено одводната цевка.

6 април 2026

Бесплатно делење на јајца предизвика општ хаос во Велес - полицијата морала да интервенира за да воведе ред.
За само еден час биле поделени околу две илјади табли јајца, бесплатно делени од волонтери.
Се работело за донација од велешани кои живеат и работат во САД, односно од компанијата „Шилер“, чија дејност е камионски превоз на стока.
Поради метежот и безредието што се создале, морала да интервенира и полицијата за да воведе ред и да спречи евентуално стампедо и повреди кај граѓаните.
Луѓе земале и и по две-три табли со објаснување дека ги земаат за болни роднини или за соседи кои не можеле да дојдат.
Табла јајца е околу 300 денари.