- Со неуспех заврши и третото пробно лансирање на ракетата Старшип на компанијата Спејс Икс на Илон Маск, која е дизајнирана за мисии до Марс.
- Ракетата успешно се кренала од космодромот во Тексас, но главниот степен експлодирал при одвојувањето и го оштетил степенот што треба да продолжи во вселената. Ракетата продолжила да се крева, но поради протекување на гориво почнала неконтролирано да се врти и се распаднала над Индиски Океан.
- Маск не беше обесхрабрен од неуспехот и најави уште почести лансирања, по едно на секои три или четири недели.
- На првите две лансирања, во јануари и во март, Старшип пукна многу порано.
- Израелската влада одобри изградба на уште 22 населби за еврејски доселеници на Западниот Брег, за да ја зацврсти окупацијата на палестинската територија.
- Министерот за одбрана Израел Кац изјави дека новите населби ќе го спречат создавањето палестинска држава, која би го загрозила Израел.
- Израел досега изгради 160 населби за околу 700.000 еврејски доселеници на Западниот Брег и Источен Ерусалим, откако ги окупираше во 1967 година.
- Експанзијата на доселеничките населби ја стеснува територијата на 2,7 милиони Палестинци, кои се концентрирани во урбаните центри.
- Меѓународниот суд на ОН лани го прогласи за нелегално израелското присуство на окупираните територии, но Израел ја отфрла пресудата, која не е обврзувачка.
- Државниот секретар Марко Рубио објави дека САД „агресивно“ ќе укинуваат визи на кинески студенти, особено на оние „поврзани со Комунистичката партија“ или што студираат на „критични полиња“.
- Ќе ги заостриме и критериумите за сите идни апликанти за визи од Кина и од Хонг Конг, изјави Рубио.
- Во изминатата академска година во САД се школувале 277.398 лица од Кина, речиси една четвртина од сите странски студенти. Тоа им носи големи приходи на американските универзитети.
- Рубио во вторникот им испрати препорака на амбасадите и конзулатите на САД привремено да не закажуваат интервјуа за студентски визи и побара построги скенирања на објавите на апликантите по социјалните мрежи.
