- Полскиот министер за одбрана обвини руски разузнавачки служби за саботажите на железничките пруги од Варшава кон Украина, за време на викендот.
- Поради разнесувањето на дел од шините, во прекин е железничкиот сообраќај од Варшава кон Лублин на исток. По оваа пруга се транспортира оружјето и муницијата што европските сојузници ѝ го испраќаат на Украина.
- „Сите траги водат кон исток, кон Русија“, изјави министерот Владислав Косинијак-Камиш. Тој додаде дека на место каде што биле разнесени шините бил пронајден уред што ја снимал ситуацијата и експлозијата.
- Обвинителството го води случаите како „акти на саботажа или тероризам“ и смета дека се извршени „по наредба од странски разузнавачки служби.
- Варшава во септември ја обвини Русија дека го истрелала проектилот што погоди куќа во Полска и го оцени како „прв директен напад врз членка на НАТО“. Истрагата покажа дека ракетата всушност била истрелана по грешка од борбен авион на НАТО.
- Кина обезбедува клучна поддршка за руската агресија во Украина и би можела да ја заврши војната со еден телефонски повик, изјави американскиот амбасадор во НАТО.
- „Пекинг би можел да му се јави на Владимир Путин и да ја заврши оваа војна утре, ако го прекине доставувањето технологии со двојна намена. Би можела и да престане да купува руска нафта и гас“, изјави амбасадорот Метју Витакер.
- Русија се потпира на Кина за набавка за критични делови и компоненти за беспилотни летала и друга воена опрема. Откако Европа воведе санкции за Москва, Кина стана и најголем увозник на руска нафта.
- Во јануари во кинеските пристаништа просечно пристигнувале по 1,65 милиони барели руска сурова нафта. Тоа е најмногу од март 2024 година и второ највисоко количество по инвазијата врз Украина пред четири години.
- Кинеското Министерство за надворешни работи ги отфрли како „целосно неосновани“ обвинувањата дека ги поддржува воените напори на Русија.
- Почина театарската, филмска и телевизиска глумица Ленче Делова, соопшти Драмски театар, нејзината матична куќа. Имаше 77 години.
- Нејзиниот талент, сценска присутност и човечка топлина оставија неизбришлива трага на сцената и во срцата на публиката. Со секоја улога таа внесуваше искреност, емоција и посветеност, градејќи ликови кои долго ќе се паметат. Нејзината насмевка и ведриот дух беа светлина зад сцената, а нејзината професионалност пример за генерации актери, напишаа колегите.
- Делова играла во 60-тина претстави во Драмски театар, а глумеше и во над 30 филмови.
