- Џошуа Дин, поранешен ревизор за квалитет во клучен добавувач на Боинг кој изрази загриженост за неправилно издупчени дупки на трупот на авионите 737 Max е мртов.
- 45 годишниот Дин брзо паднал во критична состојба откако му била дијагностицирана бактериска инфекција.
- Џон Барнет, свиркачот кој по 30 години работа во Боинг објави дека компанијата свесно и намерно кратела на квалитет на компонентите што ги вградувала во авионите беше најден непосредно пред да сведочи. Претходно најави дека нема намера да се самоубие.
- Швајцарската трговска куќа Гунвор ја повлече понудата за купување на странскиот имот на најголемата руска приватна нафтена компанија Лукоил, откако САД се заканија дека нема да ја одобрат зделката.
- „Гунвор, марионетата на Кремљ, нема да добие лиценца да оперира и да вади профит“, објави Министерството за финансии на САД. Гунвор ги отфрли тврдењата како лажни, но објави дека ја повлекува понудата за Лукоил.
- Откако САД воведе санкции и најави дека ќе ѝ ги блокира трансакциите на 21 ноември, Лукоил објави дека го продава својот имот во странство. Ја прифати понудата од Гунвор на шведскиот милијардер Торбјорн Торквист, кој во 2000 година ја основал компанијата заедно со Генадиј Тимченко, близок пријател на Владимир Путин. Тимченко подоцна ги продаде своите акции во Гунвор.
- „Лукоил интернешнел“, со седиште во Виена, располага со стотина разни имоти во повеќе од 50 земји во светот, големи рафинерии во Бугарија и Романија и околу 2.000 бензински пумпи.
- Новиот скопски градоначалник Орце Ѓорѓиевски најави дека вечерва околу 40 камиони ќе бидат ставени во функција за собирање на ѓубрето низ градот, како и дека очекува околу 60 автобуси деновиве да се вратат на скопските улици.
- Од контактите со дел од вработените во ЈП „Комунална хигиена“ дознал дека состојбата е алармантна и на услуга на граѓаните биле само 16 камиони.
- „Ќе користам и идеи на моите противкандидати, деновиве ќе ги поканам да се видиме. Имаа добри идеи и зошто тие да не се искористат, како и идеите на граѓаните. Сѐ што и за милиметар ќе го подобри живеењето во градот ќе биде искористено“, рекол Ѓорѓиевски.
