Здружението на пензионери од Параќин (Србија), објави дека организира бесплатен превоз до Белград, за пролетниот концерт на групата Ајрон Меиден.
Здружението најави и дека на своите членови ќе им понуди логистичка помош за купување карти за концертот.
Ајрон Меиден во белградска Арена доаѓаат на 24 мај, а претседателот на здружението рекол дека интересот е голем и дека од Параќин за Белград ќе тргнат неколку автобуси.
Во ноќта меѓу сабота и недела, на 25 октомври, почнува зимското сметање на времето. Во 3 часот по полноќ станува 2 часот.
Одговор на главното прашање: таа ноќ ќе спиеме еден час подолго.
Со ова завршува периодот на летно сметање на времето, по што деновите попладне ќе станат пократки, односно порано ќе се стемнува, но и порано ќе се разденува.
Поместувањето на часовникот двапати годишно со децении се оправдуваше со потребата подобро да се искористи дневната светлина да се намали потрошувачката на енергија.
Европската комисија во својата анализа на ефектите од летното сметање на времето заклучи дека енергетските заштеди се маргинални.
Во март 2019 година, Европскиот парламент гласаше за укинување на практиката од 2021 година, но тоа не беше доволно за законската промена да стапи во сила.
Македонската влада тогаш изнесе став дека ќе се усогласи со одлуката на Брисел и ќе го укине поместувањето на часовникот кога и цела Европа ќе го стори тоа. Но, не беше донесен став дали Македонија трајно ќе остане во летното или во зимското сметање на времето.
Германија, Холандија, Австрија, Данска и Германија веќе идниот месец може да потпишат договор со Руанда за изградба на заеднички центар во кој ќе бидат депортирани мигранти.
Претставници од овие земји во септември го посетиле Кигали, а делегација од Руанда неодамна била на турнеја низ Европа. Договорот би можел да биде потпишан на Конференцијата за миграција во Виена, која ќе се одржи кон средината на ноември.
Во првичната фаза од иницијативата би бил изграден центар што би примил околу 100 луѓе, по околу 20 депортирани од петте европски земји.
Советот на ЕУ на почетокот на октомври одобри депортирање мигранти во центри во „трети земји“ наместо во матичните, за да не им биде загрозена безбедноста. Предуслов е земјата што ги прифаќа европските мигранти да ги почитува меѓународните стандарди за човекови права.
Руанда постигна сличен договор за прифаќање мигранти од Британија, но беше блокиран од Европскиот суд за човекови права и од Врховниот суд на Обединетото Кралство, кои оценија дека Руанда „не е безбедна трета земја“.
