- Американското Национално јавно радио (НПР) и три радиостаници од Колорадо го тужат претседателот Доналд Трамп пред федерален суд во Вашингтон поради тоа што им го блокирал пристапот до фондови одобрени од Конгресот на САД.
- Трамп на 1 мај потпиша наредба за укинување на федералното финансирање за НПР, наведувајќи дека сервисот „објавува вести и содржини кои не се фер, точни и непристрасни“.
- НПР тврди дека претседателот го прекршил Првиот амандман од Уставот, кој ја заштитува слободата на говорот и на печатот, и ги узурпирал правата на Конгресот да усвојува закони и да решава како ќе се трошат федералните пари.
- „Наредбата го загрозува опстанокот на јавниот радиски систем, кој им служи на милиони Американци за да добиваат витални вести и информации“, додава НПР.
- Администрацијата на Доналд Трамп им нареди на сите амбасади и конзулати да не закажуваат нови интервјуа за студентски визи и визи за размена (од типот F, M и J).
- Дипломатските претставништва ќе добијат нови препораки од Стејт депарментот за потемелни проверки што сè апликантите објавиле на социјалните мрежи.
- Администрацијата и досега проверуваше објави на социјалните мрежи како услов за добивање виза, но со процедурата беа опфатени главно студенти што за кои има сомневања дека протестирале против израелската операција во Газа.
- Во препораката не е наведено какви содржини ќе се бараат во објавите, но се алудира на „блокирање на терористи“ и „борба против антисемитизам“.
- Со неуспех заврши и третото пробно лансирање на ракетата Старшип на компанијата Спејс Икс на Илон Маск, која е дизајнирана за мисии до Марс.
- Ракетата успешно се кренала од космодромот во Тексас, но главниот степен експлодирал при одвојувањето и го оштетил степенот што треба да продолжи во вселената. Ракетата продолжила да се крева, но поради протекување на гориво почнала неконтролирано да се врти и се распаднала над Индиски Океан.
- Маск не беше обесхрабрен од неуспехот и најави уште почести лансирања, по едно на секои три или четири недели.
- На првите две лансирања, во јануари и во март, Старшип пукна многу порано.
