- Нови Пазар го симна од репертоарот детскиот анимиран филм „Чудесен свет“ во продукција на Дизни, каде главниот лик е геј и оттаму родителите сметаат дека „пропагира хомосексуалност“.
- Од културниот центар се правдаат дека немале увид во синопсисот, и дека се обратиле до дистрибутерот со барање во иднина да им праќа детални описи на филмовите.
- И покрај тоа што ILGA, организација за правата на LGBT+ заедницата, тврди дека во Србија само 37% ги почитуваат геј правата, минатиот викенд филмот беше најгледан во земјата.
- Но, на Дизни не му врти грб само Нови пазар. Се проценува дека компанијата ќе изгуби околу 100 милиони долари заради нејзиниот нов „разбуден“ репертоар.
- Русија и Северна Кореја денеска првпат се поврзаа со мост за коли и камиони, како „нов чекор кон стратешкото партнерство“.
- Русија има копнена граница од 17 километри со Северна Кореја (најкратката од сите 14 копнени соседи), по течението на реката Тумен. По Корејската војна, во 1959 година двете земји се поврзаа преку Мостот на пријателството, кој беше отворен само за железнички транспорт.
- Рускиот премиер Михаил Мишустин изрази надеж дека новиот мост за возила ќе поттикне развој на трговската, научната и културната соработка и ќе отвори нови работни места.
- Мостот долг 1 километар го носи името на Јаков Новиченко – офицер од Црвената армија, кој со своето тело му го спасил животот на севернокорејскиот лидер Ким Ил Сунг од обид за атентат во 1946 година. „Запорожецот“ на Новиченко, управуван од неговиот внук, беше првата кола што го премина мостот.
- Десничарската партија Алтернатива за Германија (AfD) освои најмногу гласови и пратеници на изборите во Саксонија-Анхалт, но не е јасно дали ќе може да формира покраинска влада.
- АфД освои близу 44% од гласовите, додека владејачките конзервативци на канцеларот Фридрих Мерц се на второто место со 17%, што е 20% помалку отколку на претходните избори. Тоа ја одразува се поголемата непопуларност на владејачка коалиција на федерално ниво.
- Сепак, се очекува конзервативците да формираат коалициска или малцинска влада, во покраината, ако умерените и левичарските партии се придржуваат до политичкиот договор „Сите против АфД“.
- Улрих Зигмунд, „шпиценкандидатот“ на АфД, ја прослави победата како прв чекор кон освојување на власта на национално ниво на сојузните избори во 2029 година. „Луѓето сосема јасно ставија до знаење дека конечно сакаат политички промени и, пред сè, покажаа дека ги сакаат токму со нас“, рече Зигмунд.
- АфД сега е најпопуларната партија во Германија на национално ниво, со поддршка од 28% според неодамнешното истражување на институтот INSA, со што убедливо води пред конзервативците, кои имаат 20% поддршка.
- Првите честитки за АфД пристигнаа од САД.
