Вести › Набрзинка

Нови амбулантни возила и паркинг за Клинички центар

24 декември 2025

Владата ќе обезбеди околу 7,5 милиони евра за набавка на 100 нови амбулантни возила за јавните здравствени установи во државата.
Министерот за здравство Азир Алиу најави дека во план е и решавање на проблемот со паркингот во кругот на Клиничкиот центар „Мајка Тереза“ во Скопје.
Земјиштето на паркинг-просторот ќе се запише во сопственост на државата, со што се отстранува административната пречка за потпишување договор со ЈП „Градски паркинг – Скопје“.
Според податоците на Центарот за граѓански комуникации (ЦГК), повеќе од 73% од амбулантните и санитетски возила се добиени како донација, а само 22% се купени со сопствени средства.
Мета потсетува: За една декада се сменија 9 министри за здравство, ниту еден не го реши хаосот на паркингот во Клинички

извор

Руте репетира бројки: Руси има 140 милиони, ние сме милијарда. Кој е појак?

24 декември 2025

Генералниот секретар на НАТО даде големо интервју за Билд во кое рече дека се разгледува и опцијата за праќање војници во Украина.
Марк Руте отворено го фали Трамп како единствен човек кој можел да го донесе Путин на преговарачка маса и ја одбива идејата дека е можно САД да се повлечат од Европа.
Според него, сојузниците мора да направат две работи: да ги зголемат издатоците за одбрана и производство на оружје и муниција и да осигураат дека Украина ќе остане вено силна.
Марк Руте е е убеден дека ако работата стане сериозна, младите во Европа ќе бидат подготвени да земат оружје.

извор

Пластичарска против струја (што се плаќа)

24 декември 2025

Помала група жители на населбата Серава денеска ја блокираа улицата Никола Карев, позната и како Пластичарска улица, затоа што од неделата немаат струја. А немаат затоа што со години неконролирано крадат струја, па им се расипал преооптоварениот трансформатор.
„Дефектот во населбата Серава настана на 21.12.2025 (недела) како резултат на долготрајните неконтролирани кражби на електрична енергија од страна на жителите, а воедно и континуираните спречувања на екипите на Електродистрибуција во вршењето на работните активности за одржување на мрежата. Веќе подолг период, жителите на улиците Исмаил Кадаре и Кумбара го спречуваат проектот за реконструкција на мрежата и дислокација на броилата. На екипите на компанијата постојано им се упатуваат вербални закани, со што во целост им се оневозможува функционирањето“, велат од Електродистрибуција за Плусинфо.
Во овој регион загубите на струја надминуваат 70%, а наплатата изнесува 60%.

извор