Вести › Набрзинка

Нова потрага за случајот Медлин Меккан

3 јуни 2025

Португалската и германската полиција почнаа нова истрага за Медлин Меккан, девојчето што исчезна пред 18 години додека со семејството беше на одмор во Португалија.
Потрагата е по барање на германски истражители, врз основа на изјава на 48-годишниот Кристијан Брикнер, кој е во затвор поради силување 72-годишна американска туристка во Португалија во 2005 година. Тој е главниот осомничен и за исчезнувањето на Медлин, но нема доволно докази за да биде обвинет.
Се пребарува регион во местото Лагос, каде што Брикнер се фотографирал и се снимал во периодот помеѓу 2000 и 2017 година.
Исчезнувањето на Медлин Меккан е еден од најпознатите нерешени случаи криминални случаи во светот. По девојчето со години се трагаше низ цела Европа.
Медлин исчезна на 3 мај 2007 година, кога нејзините родители излегле на вечера и ги оставиле девојчето и нејзините помали брат и сестра да спијат во изнајмениот дом во Праја да Луз.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор