Вести › Набрзинка

Нов пресврт: Мијалков останува во притвор

22 декември 2021

За неполни 12 часа, поранешниот шеф на УБК беше ослободен од притвор од Апелацискиот суд, а потоа доби нов притвор од Основниот кривичен суд по барање на обвинителството, но за друг предмет.
Откако Апелацискиот суд му дозволи на Мијалков да излезе од притвор прифаќајќи ја неговата гаранција од над 11 милиони евра, обвинителството поднело барање за одредување мерка притвор од 30 дена за Мијалков за „Плацеви на Водно“.
Плусинфо дознава дека обвинителката Лиле Стефанова поднела вакво барање под силен притисок на луѓе од извршната власт.

извор

Врана на врана очи не вади

20 април 2026

Судовите два пати му ја скратија казната затвор на врховниот судија осуден за мито.
Апелацискиот суд Скопје го уважил барањето на судијата Наќе Георгиев за условен отпуст и ја преиначил одлуката на Кривичниот суд.
Со оваа одлука скратена е казната затвор на поранешниот врховен судија Наќе Георгиев, кој беше осуден за примање мито. Претходно Кривичниот суд му ја намалил казната за тој да излезе од затвор во септември годинава, а по поднесената жалба Апелацискиот суд му ја скратил казната затвор за уште два месеца.
Судијата Георгиев беше фатен како зема мито од 10.000 евра од синот на поранешниот градоначалник на Ново Село Боро Стојчев. Георгиев тогаш се спогодил со Обвинителството за гонење организиран криминал и корупција за казна затвор од три години, како и забрана за вршење професија, дејност или должност на службено лице во траење од три години.
По 26 месеци во затвор, Георгиев летово ќе биде на слобода, пренесува МКД.мк.

извор

САД нападнаа и запленија ирански товарен брод

20 април 2026

Американската Воена морнарица синоќа нападна и заплени товарен брод под иранско знаме кој се обидел да ја избегне поморската блокада близу Ормускиот теснец. Ова е првото пресретнување откако почна американската блокада на иранските пристаништа минатата недела.
Трамп на социјалните мрежи објави дека откако бродот „Туска“ не запрел по предупредувањата, морнарицата истрелала проектил и направила дупка во машинското одделение, по што маринци ја презеле контролата врз бродот.

Иран ги обвини САД дека го прекршиле договорот за прекин на огнот и најави дека ќе возврати „против ова вооружено пиратство“.
Прекинот на огнот завршува задутре. Инцидентот ја зголеми загриженоста дека нема да се одржи втората рунда од иранско-американските преговори за продолжување на примирјето. Белата куќа објави дека американска делегација на чело со Стив Виткоф и Џаред Кушнер денеска ќе пристигне во Пакистан.
„Иран нема да учествува на втората рунда разговори поради прекумерните барања на Вашингтон, нереалните очекувања, постојаните промени во ставовите, противречностите и континуираната поморска блокада, која е кршење на прекинот на огнот“, објави новинската агенција ИРНА.

извор