- ВМРО-ДПМНЕ тврди дека по грешката со знамињата директорот на протоколот на министерството за надворешни работи ќе стане македонски амбасадор во Москва.
- За време на посетата на Македонија, словенечката министерка за надворешни работи беше пречекана со словачко знаме.
- Не се утврди дали грешката е затоа што некој не ја разбира разликата меѓу „Словенија“ и „Словачка“ или ги има помешано грбовите што се на знамињата (на словенечкото е Триглав, на словачкото e двоен крст).
- По резилот што го изедовме, Османи изјави: „Директорот на протоколот поднесе оставка, иако немаше никаква директна одговорност, која ја прифатив. Грешката е на други луѓе, но поради морална одговорност поднесе оставка, а работеше една година.“
- Претседателот на иранскиот парламент вели дека има напредок во разговорите со САД, но дека двете земји остануваат „далеку“ од мировен договор
- Доналд Трамп вика дека се водат „многу добри разговори“ со Иран, но дека нема да дозволи Техеран да ги „уценува“ САД за Ормускиот теснец.
- Техеран порача дека Ормускиот теснец ќе остане затворен сè додека САД не ја укинат блокадата врз иранските пристаништа, што за нив е прекршување на примирјето.
- Трамп порача дека блокадата ќе продолжи сè додека „нашата трансакција со Иран не биде 100% завршена“.
- Два ирански воени чамци отворија оган врз танкер во Ормускиот теснец а американската морнарица принудила 23 брода да се свртат назад во близина на теснецот.
- Марија Корина Мачадо, нобеловка и лидер на веневуелската опозиција, одбила во Мадрид да се сретне со шпанскиот премиер Педро Санчез, кој е во лоши односи со американскиот претседател Доналд Трамп, на чија поддршка смета таа.
- „Таква средба не е опортуна“, оценила таа.
- Мачадо се сретна со лидерот на конзервативната Народна партија и со лидерот на Вокс, за да биде упадливо дека стратешки фокус става на десничарската политичка опозиција на Шпанија, а не на левичарската влада.
- Таа стана предмет на подбив заради девалвирање на наградата откако реши да му ја подари на американскиот претседател.
- Норвешкиот Нобелоv комитет тогаш потсети дека вистинската чест што ја претставува медалот „не може да се одземе, сподели или пренесе на други“.
