- Андриј Јермак, поранешниот шеф на кабинетот на Володимир Зеленски, официјално е обвинет за корупција и перење пари во врска со корупциска шема од 8,9 милиони евра за изградба на елитни објекти во близина на Киев“.
- Истрагата против Јермак е во врска со поширокиот корупциски скандал за проневера на 85 милиони евра од државното претпријатие Енергоатом. Со оваа истрага се опфатени и други поранешни соработници на Зеленски – бизнисменот Тимур Миндич и поранешниот вицепремиер Олексеј Ченишов.
- Претседателот Зеленски се обидува да се дистанцира од истрагата и забележа дека „секој што е вклучен во владина корупција треба да биде казнет“. Тој го отпушти Јермак веднаш штом специјалното обвинителство спроведе претрес во домот на шефот на кабинетот.
- Поранешниот филмски продуцент Јермак беше втора најмоќна личност во Украина, иако не беше избран на функција. Тој беше и главен преговарач на Киев во мировните преговори со Москва.
- Полски автобуски оператор објави дека е вратена автобуската линија 666 до полското крајбрежно одморалиште Хел (едно „л“ пократко од англискиот збор што значи Пекол).
- Со тоа се воскреснува демек контроверзното автобуско патување "Highway to Hel" и ќе биде 13-часовна линија што ќе го поврзе Краков со Хел, минувајќи низ други големи полски регионални градови, вклучувајќи го и главниот град Варшава.
- Конзервативни религиозни групи жестоко се спротивставија на „сатаничката“ поврзаност на 666 со Хел, па од нивен притисок, во 2023 година бројот беше променет во 669.
- Илјадници Албанци излегоа на улиците на мирни демонстрации против изградбата на луксузно одморалиште од 1,4 милијарди долари на јужниот брег, поврзано со Иванка Трамп и Џаред Кушнер.
- Ќерката и зетот на Доналд Трамп градат комплекс со 1.000 луксузни вили на плажа и хотелски соби на островот Сазан и полуостровот Звернец, како и нов меѓународен аеродром. Локацијата е во заштитеното мочуриште Пише Поро-Нарта, едно од еколошки најчувствителните подрачја во Албанија.
- Владата на Еди Рама го забрза договорот. Парламентот го промени законот за животна средина неколку недели пред почетокот на изградбата, дозволувајќи хотели со пет ѕвездички во заштитени зони. Дозволата беше издадена на 29 април 2026 година, без јавно објавување.
- Рама ѝ додели статус на „стратешки инвеститор“ на компанијата на Кушнер - Atlantic Incubation Partners кон крајот на 2024 година, само неколку недели пред инаугурацијата на Трамп, без целосен бизнис план или студија за изводливост. Критичарите велат дека одлуката била политички мотивирана, за да обезбеди симпатии од администрацијата на Трамп.
- 41 еколошка организација од 28 земји повикаа на итно прекинување на проектот. Против се локалните жители, еколошките групи и грчкото малцинство во областа.
