Вести › Набрзинка

Муслиманското братство дрпнале пола милијарди долари помош за Газа

1 декември 2025

Организацијата Вакф ал Ума која работи под патронат на Муслиманското братство, украла 500 милиони долари од собраната странска помош наменета за Газа, обелодени египетскиот истражувач Махер Фаргали.
Кражбата е толку голема и недвосмислена што ја осуди дури и Хамас кои редовно се обвинуваат за истото.
„Несфатливо е што елитата на Муслиманското братство и други видни исламисти молчат за најголемиот скандал во историјата на исламското движење, со кражба на средства за народот од Газа“, напиша Калед Манур од Хамас.
Вакф ал Ума преку 10 години функционираат преку Турција. Имале организирано робусна маркетинг кампања преку сателитски канали, печатени и онлајн медиуми, во која биле вклучени луѓе од Ал Џезеира, интелектуалци и верски авторитети за да се мобилизираат луѓе да донираат за Газа.
Американскиот претседател Доналд Трамп пред една недела инцираше постапка делови на Муслиманското братство да се прогласат за странски терористички организации.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор