Вести › Набрзинка

Мијалков излегува од притвор со гаранција од 11 милиони евра

22 декември 2021

Мијалков се наоѓа во затворот во Шуто Оризари од 26 февруари годинава. Издржува мерка притвор во предметот „Трезор“, каде што е неправосилно осуден на 8 години затвор. Има првостепена пресуда и во случајот „Таргет-Тврдина“ со која е осуден на 12 години затвор, обвинет е и во случаите „Плацови на Водно“ и „Титаник 2“, а осомничен е и во „Империја“. За „Тортура“ доби ослободителна пресуда.
Апелацискиот суд во Скопје ја прифатил гаранцијата од 11.106.501 евро, во движен и недвижен имот. Пролетта имаше понудено гаранција од 10,8 милиони евра, обвинителството се согласи, судот одби.
Определено му е одземање на пасошот и обврска да се јавува во судот.

20 октомври 2026

Управата за финансиска полиција поднесе кривична пријава против поранешниот генерален директор на АД „Пошта на Македонија“ поради сомнение за злоупотреба на службената положба и овластување.
Се наведува дека тој не постапил согласно одлуките на Управниот одбор за исплата на обврски кон две правни лица. И покрај тоа што му биле доставени потребните документи за исплата, пријавениот не ја потпишал спогодбата за исплата на долгот, не ги потврдил фактурите и не ги потпишал налозите за плаќање.
Со тоа оставил простор овие да поведат судски постапки кои ги добиле па штетата за Пошти на основ на исплата на затезни камати е речиси 11 милиони денари.

20 октомври 2026

Владата на САД би можела да блокира ботови со ВИ ако утврди закана дека може да предизвикаат смрт на повеќе од 50 луѓе или штета повисока од 1 милијарда долари.
Ова е предлогот на Антропик во нацрт-закон за „безбедност“ на вештачката интелигенција, поднесен до Конгресот на САД.
Сè што е подолу од овие граници би се толерирало како „разумна политика“.
Проценетиот ризик од моделот со ВИ би морал да произлегува од дизајнирање или создавање на биолошко оружје, кибернетски напад или бегање на агент со ВИ од контрола на лабораторијата во која се развива.
Ризикот би го проценувале „независни евалуатори“, регистрирани во Министерството за трговија, при што е оставена можноста за нивните услуги да плаќа лабораторијата во која вршат увид.