Вести › Набрзинка

Мицкоски: Ова е битка меѓу чесните и нечесните

16 март 2025

„Системот мора да се ресетира. Или ќе нè биде, или нема да постоиме како држава. Мора да се стави крај на корупцијата. Ова не е меѓупартиска битка, туку битка меѓу чесните и нечесните“, изјави премиерот Христијан Мицкоски за трагедијата во Кочани за која кажа дека е најтешкиот ден во неговиот живот.
„Мора да има кривична одговорност, за сите до еден инволвирани, без разлика кој од која партија е, од која професија е. Очекувајте дека нема да има милост“, вели премиерот.
Објектот кај што се случи несреќата, имал фалсификувана лиценца издадена во март лани, документ заведен како комуникација со странски инвеститори за кабаре.
Мицкоски најави робусна акција за проверка на потребната документација за сите објекти и клубови. Контролата ќе биде ригорозна и нема да биде поштеден ниту еден ако се утврдат и најмали пропусти.„ Милиметар да недостасува ќе бидат затворени и тука нема да има милост кон никого“, рече Мицкоски.
Владата прогласи 7 дневна жалост.

извор

Еднаквост: Во 27 земји 0,1% e повеќе од 80%

3 октомври 2026

Концентрацијата на богатството кај мала група луѓе во 27 земји од светот го надминала нивото во кое 0,1% од возрасната популација поседуваат повеќе од најсиромашните 80% од жителите.
Јазот е најдлабок во Русија, а најмалку е изразен во Словачка.
Македонија според оваа класификација е меѓу земјите со порамномерна распределба на богатството.
Јужна Африка нуди впечатлив пример за тоа колку можат да бидат трајни овие разлики. Студија што го опфаќа периодот од 1993 до 2017 година покажа дека немало трајно намалување на нееднаквоста во богатството по крајот на апартхејдот.

извор

„Лукоил“ ќе заврши кај партнери на Кушнер и Виткоф

3 октомври 2026

Разговорите на администрацијата на Трамп со Русија за крај на војната во Украина се проширија со нафтен договор вреден повеќе милијарди долари, од кој би профитирале деловни луѓе од Блискиот Исток поврзани со двајцата главни американски преговарачи, Стив Виткоф и Џаред Кушнер.
Договорот се однесува на голем број нафтени полиња, рафинерии и бензински пумпи ширум светот во сопственост на „Лукоил“, една од најголемите руски енергетски компании.
Откако администрацијата на Трамп лани воведе санкции против „Лукоил“, компанијата реши да го продаде својот имот во странство. Министерството за финансии на САД дисквалификува неколку потенцијални купувачи на „Лукоил“.
Сега е договорено имотот да биде продаден на група во која учествува инвеститорот Тод Боли, кој донирал 2 милиони долари за политичките цели на претседателот Трамп, на две групи од Блискиот Исток кои соработувале со Кушнер или Виткоф, како и еден огранок на американската влада.
На средбата со Виткоф и Кушнер во Кремљ на 5 септември, Путин предложил договорот да се реализира „како начин да им се покаже на Русите дека можат да соработуваат со САД“. Виткоф и Кушнер имале директна улога во преговарањето за финансиските услови, за да се обезбеди „значителна авансна исплата и удел за САД во добивката“, пишува Њујорк тајмс.

извор