- Полицијата го ослободи Никола Николовски кој беше приведен како осомничен за лажните пријави за бомби во средните училишта во Скопје.
- На полицијата ѝ биле потребни 10 часови испрашување за да сфатат дека некој друг го оставил неговото име и телефонскиот број на меиловите на кои се предупредува за поставени бомби во школите.
- „Ова е класичен напад врз слободата на говор, демократијата и начин како да се притиснат неистомислениците. Но, слободната мисла секогаш на крајот победува, па затоа ќе се погрижиме овој настан да биде целосно расветлен пред органите“, велат од платформата чиј активист бил Николовски.
- Венко Филипче со убедливо мнозинство на освоени гласови победи на денешните внатрепартиски избори и е новиот претседател на најголемата опозициска партија СДСМ.
- Од 23.000 пријавени членови за гласање, излегле 54 отсто. Филипче освоил 9.052 гласа, а ривалите Јован Деспотовски 2.705 и Александар Бајдевски 905 гласа. Славјанка Петровска претходно се повлече од трката.
- „Се радувам за Венко, оти ми е другар, ама не се радувам за СДСМ, оти овој процес не е добар“, рече Деспотовски.
- Француската крајно десничарска партија на Марин Ле Пен постигна историски успех на предвремените избори во Франција: таков идеолошки профил на партија не била на власт уште од времето на режимот на Виши.
- Имаат освоено околу 34% на изборите кои минаа со голема излезност (65,5%; пред две години гласаа 47,5 посто).
- Блокот на Макрон е трети со 23% а втора е левата коалиција Народен фронт со 29%.
- Опозиционерот Жан Лук Меленшон оцени дека резултатите од изборите се тежок пораз за Франција на Макрон.
- Поради изборниот модел, многу работи ќе зависат од вториот круг.