• Поранешниот француски премиер Никола Саркози го споделува своето кратко искуство зад решетки во книгата „Дневникот на затвореникот“.
• За 20-те дена што ги поминал во затворот Ла Санте, Саркози напишал мемоари од 216 страници, по 11 за секој ден.
• „Вревата, за жал е постојана“ и „затворот ја буди внатрешната цврстина кај мажот“, забележува Саркози, најавувајќи ја промоцијата на 10 декември.
• Саркози беше осуден на пет години затвор поради нелегално финансирање на својата претседателска кампања во 2007 година со пари од Либија. Тој веднаш се пожали на лоши услови во затворот и на „смртни закани“, поради што парискиот суд одобри да биде префрлен во домашен притвор, каде што ќе биде „побезбеден отколку во ќелијата“.
• За неговата жалба на пресудата од пет години затвор ќе се расправа пред надлежен суд во март идната година.

« En prison, il n’y a rien à voir, et rien à faire. J’oublie le silence qui n’existe pas à la Santé où il y a beaucoup à entendre. Le bruit y est hélas constant. Mais à l’image du désert la vie intérieure se fortifie en prison. » Nicolas Sarkozy, Le journal d’un prisonnier.… pic.twitter.com/7RJ8fF8qFZ

— Nicolas Sarkozy (@NicolasSarkozy) November 21, 2025

• Српскиот претседател Александар Вучиќ е обвинет дека бил вмешан во „Сараевското сафари“ за време на војната во Босна – организирањето тури за странци што плаќале големи суми за да пукаат од снајпери врз цивили во опколено Сараево.
• Хрватскиот новинар Домагој Маргетиќ поднесол пријава за Вучиќ до обвинителството во Милано, кое спроведува истрага за случајот. „Ги приложив сите докази, видео материјали, фото документација, аудио и видео снимки, како и извештаи од медиуми од тоа време“, вели Маргетиќ.
• Новинарот тврди дека Вучиќ бил член на паравоен одред под контрола на Српската радикална партија, кој бил стациониран на позиција на Еврејските гробишта, од каде што снајперисти пукале во Сараево.
• Како доказ тој приложил и снимка од 1993 година, на која се гледа Вучиќ како наводно носи пушка со телескопски нишан. Негови приврзаници тврдат дека Вучиќ тогаш бил новинар и носел триножец за камера.

• „Тврдењата изнесени од хрватскиот новинар Домагој Маргетиќ претставуваат школски пример за злонамерна дезинформација, создадена со цел да го еродира институционалниот кредибилитет на Србија и нејзиниот претседател“, изјави за „Телеграф“ Сузана Васиљевиќ, портпаролка на претседателот.