• Американскиот претседател најави дека реципрочните царини кои ќе ги објави неделава, ќе ги вклучуваат сите земји, а не само групата од 10 до 15 држави со кои САД имаат најголема трговски нерамнотежа.
• Тој ден Трамп го најави како „Денот на ослободувањето“ бидејќи планот за сеопфатни царини го смета за клучна заштита на домашната економија од нефер глобалната конкуренција а планира да го го користи како адут за преговарање подобри услови за Америка.
• Земјите кои досега беа мета на царинската политика на Трамп (Кина, ЕУ, Канада...) најавија или веќе воведоа реципрочни контра-мерки.

• Лидерката на француската десница Марин Ле Пен со судска одлука е елиминирана од трката за претседател во 2027 година, на која имаше големи шанси за победа.
• Суд во Париз ѝ изрече на Ле Пен петгодишна забрана за извршување јавна функција, четири години затвор, од кои две условно, и парична казна од 100.000 евра поради злоупотреба на средства од Европскиот парламент.  Ле Пен излезе од судницата уште пред да ѝ биде изречена казната.
• Ле Пен, осуммина европратеници од нејзината партија Национално движење и уште 12 соработници се прогласени виновни за ангажирање парламентарни советници да работат за партијата, а не за европски работи. 
• Судот прифатил докази за 40 фиктивни договори во период од 12 години, со кои биле префрлени 4,6 милиони евра на сметка на партијата.
• Уште пред објавувањето на пресудата, поддршка на Ле Пен ѝ изразија рускиот претседател Владимир Путин и унгарскиот премиер Виктор Орбан.

Je suis Marine! @MLP_officiel

— Orbán Viktor (@PM_ViktorOrban) March 31, 2025

• Казнет е и Луј Алјо, потпретседател на партијата и поранешен партнер на Ле Пен. Судот му забрани на Алјо три години да извршува јавна функција, но спроведувањето не е итно. Тој ќе остане градоначалник на Перпињан, најголемата општина што е под контрола на Националното движење.