Вести › Набрзинка

Компанија на Илон Маск купи компанија на Илон Маск за 45 милијарди долари

29 март 2025

Компанијата на Илон Маск за вештачка интелигенција xAI ја купи платформата на Маск, X, екс Твитер: 33 милијарди долари за акциите плус 12 милијарди за нејзиниот долг.
Комбинираната компанија ќе биде проценета на 80 милијарди долари.
Маск во 2022 година го купи Твитер за 44 милијарди долари а xAI e формирана година дена подоцна, со мисија „да ја разбереме вистинската природа на универзумот.“
Комбинацијата на ВИ капацитетите на xAI со масовниот домет на Икс може да доведe до значајни исчекори во напредните решенија кои ќе ги понуди компанијата на Маск во една интегрирана верзија на вештачка интелигенција и социјална платформа.

извор

Трамп воведе царина од 15% за Македонија

1 август 2025

Американскиот претседател Доналд Трамп наметна царина од 15% за производите што САД ги увезуваат од Македонија.
За 92 земји што во изминатиот период немаат постигнато директни трговски договори со САД, Трамп воведува царини од 10%, па се до 41%. За повеќето земји царините се 15%. За Индија се 25%.
Меѓу земјите со највисоки царини се Босна и Херцеговина (30%) и Србија (35%), исто колку и за Ирак. Повисоки царини има само за Швајцарија, Лаос, Мјанмар и Сирија.
Во посебна наредба, Трамп ги зголеми царините за увоз на производи од Канада од 25% на 35%. Како објаснување наведе дека Канада „не соработува за шверцот на наркотици во САД“. Со оваа царина нема да бидат опфатени многу производи што се дефинирани во актуелниот трговски договор САД-Мексико-Канада (УСМКА).
На Мексико му даде рок од уште 90 дена за да постигне договор и да ги намали царините од 30%.

извор

Родено бебе зачнато пред 31 година

31 јули 2025

Тадеус Дениел Пирс, здраво машко бебе родено во саботата во Охајо го собори рекордот како „најстаро“ во светот, од ембрион што бил замрзнат во 1994 година.
По седумгодишни неуспешни обиди да имаат заедничко бебе, родителите Линдзи (35) и Тим (34) Пирс прифатиле да го „посвојат“ ембрионот што во 1994 година бил замрзнат при вештачкото оплодување на Линда Арчерд, која денес е на возраст од 62 години.
Арчерд пред 30 години добила ќерка, но другите три ембриони останале замрзнати. По разделбата од својот сопруг, таа ги донирала за истражување или да бидат на располагање на други родители.
Не сакавме да собориме некакви рекорди. Само сакавме да имаме бебе, изјави Линдзи Пирс.

извор