- На територијата на Србија е потврден првиот случај на сезонски грип во сезоната 2021/2022 година.
- Цела ланска сезона лабораториски не бил регистриран ниту еден случај на сезонски грип.
- Новиот случај на грип е од типот А.
- Украинскиот претседател Володимир Зеленски ја критикуваше одлуката на САД привремено да ги укине санкциите за руска нафта.
- „Ова еднократно олеснување од страна на САД би можело да ѝ обезбеди на Русија околу 10 милијарди долари за војната. Тоа сигурно не помага за мир“, изјави Зеленски по средбата со Емануел Макрон во Париз. Тој не објасни како ја пресметал сумата од 10 милијарди.
- Европските лидери се спротивставиле на таква мерка кога во средата се консултирале со Доналд Трамп во рамките на Г-7.
- „Моментално постои проблем со цената, но не и со снабдувањето. Би сакал да знам кои други фактори ја наведоа владата на САД да ја донесе оваа одлука“, изјави германскиот канцелар Фридрих Мерц.
- „Кризата во Ормускиот теснец во никој случај не го оправдува укинувањето на санкциите за Русија“, додаде Макрон.
- „Некои тврдат дека треба да се вратиме на руските фосилни горива. Тоа би било стратешка грешка. Тоа би нè направило позависни, поранливи и послаби“, изјави претседателката на Европската комисија, Урсула фон дер Лајен.
- Загреб започна градење дигитална платформа која ќе дава целосна слика за состојбата на собраќајот во целиот град.
- Проектот вреден три милиони евра, вклучува развој на систем што ќе интегрира информации од различни извори, вклучувајќи сензори за патишта, камери и системи за јавен превоз. Покрај моторниот сообраќај, платформата ќе вклучува и податоци за движењето на велосипедистите и пешаците.
- Преку веб-страница или мобилна апликација, граѓаните ќе можат да ги следат условите на патиштата, да гледаат видео преноси од клучни раскрсници во реално време и да добиваат информации за привремени сообраќајни прописи. Апликацијата ќе овозможи и пријавување на сообраќајни проблеми и користење на разни е-услуги поврзани со јавниот превоз и паркирањето.
