Израелски авиони жестоко го бомбардираа центарот на Дамаск, го разнесоа Министерството за одбрана и погодија цели близу претседателската палата, во операција да ги заштитат Друзите од нападите на сириските владини сили.
Израелските власти ги сметаат за „маскирани џихадисти“ новите сириски власти на Ахмед ал Шараа, кои лани го соборија режимот на Башар ал Асад.
„Израел ќе продолжи решително да дејствува против која било терористичка закана на своите граници, насекаде и во секое време“, изјави амбасадорот во ОН, Дани Данон.
BREAKING:
This is not Gaza.
This is not Beirut.
This is Damascus.
Israel is raining bombs on Syria’s capital, targeting civilian neighborhoods and government sites, in one of the oldest cities on Earth — a city that has stood for over 11,000 years. pic.twitter.com/7iPm4WwPZg
Повеќе од 350 луѓе загинаа во изминатите три дена во пресметките помеѓу сириските владини трупи и вооружени групи на Друзи, арапско-шиитско малцинство во регионот, лојално на израелската држава.
Сирискиот привремен претседател Ал Шараа изјави дека „заштитата на Друзите ќе биде приоритет“ на неговата влада, но предупреди и дека „Сиријците не се плашат од војна“ и дека „ќе се борат ако им е загрозено достоинството“.
САД најавија дека брзо ќе ја смират новата војна. „Се согласивме на специфични чекори што уште вечерва ќе ја смират оваа вознемирувачка ситуација“, порача државниот секретар Марко Рубио.
Доналд Трамп се пофали дека ја убедил Кока-кола да користи само шеќер од трска во своите пијалаци во САД, наместо од додава пченкарен сируп, како што правела до пред половина век.
„Тоа ќе биде добар потег. Ќе видите. Подобра е“, порача Трамп на својата социјална мрежа.
Кока-кола додава пченкарен сируп само во пијалаците што ги продава во САД. Во Мексико, Канада и САД користат шеќер од трска. Исклучок се „Мексиканската кола“ и „Кошер коук“ во кои нема пченкарен сируп.
На најавата на Трамп реагираше Асоцијацијата на рафинирачи на пченка. „Замената на високофруктозниот пченкарен сируп со шеќер од трска ќе значи губење на илјадници работни места во производството на храна, ќе го намали приходот на фармерите и ќе го зголеми увозот на шеќер, без нутритивна полза“.
