Вести › Набрзинка

Ќе пратат ли нашиве авион да ги соберат срчите и да ги донесат кај македонски џамџија?

5 февруари 2023

„Счупиха стъклото нa Македонския клуб в Благоевград“ пренесува бугарска Нова со што сакаат да кажат дека бил искршен излогот на македонскиот клуб во Горна Џумаја (официјално Благоевград).
Излогот бил каменуван некаде пред 22 часот на денот на 151 годишнината од раѓањето на Гоце Делчев.
Сега ќе се изнагледаме дирљиви фотографии со Бујар Османи.

извор

Мицкоски едногласно реизбран за лидер на ВМРО-ДПМНЕ

6 декември 2025

Премиерот и претседател на ВМРО-ДПМНЕ, Христијан Мицкоски, на партискиот конгрес во Кавадарци едногласно беше реизбран за партиски лидер. Од присутни 817 делегати, гласале 804 и сите гласови биле „за“ Мицкоски, кој беше единствен кандидат.
Тој се осврна и на спорот со Бугарија. Имаме отворено прашање со нашиот источен сосед, но се чини дека нема соговорник од другата страна, кажа Мицкоски. Тој вели дека нема намера да отстапи ниту милиметар од позициите во однос на спорот, но од друга страна пак, посочи дека е подготвен за разговори, но единствено во присуство на евродипломати, во Брисел.
Мицкоски застана на челната позиција во партијата во 2017 година, по Никола Груевски. Ова е негов трет и според партискиот Статут, последен мандат како претседател на ВМРО-ДПМНЕ.
„Мојот наследник на ВМРО-ДПМНЕ нема да биде човек што само победува во анкети, или што знае да аплаудира. Тоа ќе биде човек со ’рбет, со интегритет, со дисциплина и фокус. Ќе биде човек што знае да ја носи тежината на државата. Што знае да издржи. Што знае да прости. Што знае да биде чесен и кога боли и кога сите се откажуваат од него затоа што во моментот им е така опортуно да прават. Наследникот мора да биде човек што ќе знае дека партијата е поголема од него, а не човек што мисли дека е поголем од партијата“, рекол Мицкоски.

извор

ЕЦБ нема да прекрши договори за да му помогне на Киев

6 декември 2025

Кристин Лагард објасни дека Европската централна банка од правни, а не политички причини, не ја поддржува употребата на замрзнатите средства на Русија во ЕУ заради финансирање на Украина. Лагард истакнува дека ЕЦБ ќе направи сè што може за да му помогне на Киев, сè додека не се прекршуваат договори.
„ЕЦБ не може да обезбеди директно финансирање на компании или институции, ниту пак може да дејствува како гарант за владите. Не можеме да ги заобиколиме договорите и мандатот за финансиска стабилност“, објасни Лагард на сослушувањето во Комитетот за економски и монетарни прашања на Европскиот парламент.
Европската банка претходно ја отфрли идејата за заеми за Киев преку руски средства замрзнати на територијата на ЕУ, опцијата број еден на Европската комисија за да ги задоволи финансиските потреби на Киев, чија државна каса веројатно ќе биде празна до следната пролет.

извор