Вести › Набрзинка

Ќе пратат ли нашиве авион да ги соберат срчите и да ги донесат кај македонски џамџија?

5 февруари 2023

„Счупиха стъклото нa Македонския клуб в Благоевград“ пренесува бугарска Нова со што сакаат да кажат дека бил искршен излогот на македонскиот клуб во Горна Џумаја (официјално Благоевград).
Излогот бил каменуван некаде пред 22 часот на денот на 151 годишнината од раѓањето на Гоце Делчев.
Сега ќе се изнагледаме дирљиви фотографии со Бујар Османи.

извор

Трамп поблиску до победа, Камала го одложи говорот, Републиканците го освоија Сенатот

6 ноември 2024

Доналд Трамп победи во Џорџија, втората од седумте клучни „превртливи“ држави кои го решаваат победникот на американските претседателски избори.
На последните избори, Трамп ја изгуби Џорџија од Џо Бајден.
Прва од клучните победи беше Северна Каролина, а води во Пенсилванија, онаа која се смета за најважна од клучните држави.
„Имаме уште гласови за броење, уште држави кои не се решени. Затоа вечерва нема да ја слушнете потпретседателката, ќе ја слушнете утре,“ им соопшти на симпатизерите на Камала Харис собрани за забава, Седрик Ричмонд, еден од главните во нејзината кампања.
После четири години, републиканците повторно го презедоа мнозинството во Сенатот, објави Асошиејтед прес. Доколку Доналд Трамп победи, тие ќе бидат во позиција да ги потврдат неговите судии од врховниот суд, федералните судии и именуваните на функциите во кабинетот. Ако Камала Харис ја освои Белата куќа, тие можат да ги задржуваат или целосно да ги блокираат нејзините предлози.

извор

ЕУ бара Хрватска да ги исфрли турските и кинеските градежни фирми

5 ноември 2024

„Се отвора Пандорината кутија“, велат луѓе кои се бават со јавни набавки во една хрватска државна фирма по повод скорешна одлука на Судот на ЕУ.
Очекуваат тектонски промени во јавните набавки во земјата, особено за големите инфраструктурни зафати кои ги изведуваат државни фирми, откако судот порача дека компании од трети земји кои немаат склопено меѓународен договор со ЕУ, не можат да учествуваат во јавните набавки во земјите од Унијата.
По тужба на турска компанија која изгубила од австриски конкурент (за железничката пруга Хрватски Лековац - Карловац) , Судот решил дека бидејќи Турција нема договор за слободна трговија со ЕУ, не смее да има пристап кон пазарот на јавни набавки и заштита на правата.

извор