Вести › Набрзинка

Изборите в недела, а веќе гласале 7,3 милиони Канаѓани

23 април 2025

Рекорден број од 7,3 милиони Канаѓани, што е една четвртина од гласачкото тело, веќе го искористиле правото на глас, иако сè уште трае кампањата за парламентарните избори на 28 април.
Согласно изборните правила, гласачките места во Канада беа отворени и за време на велигденските празници. Само во петокот гласале 2 милиони луѓе.
На изборите во 2021 година, предвреме гласале околу 6 милиони луѓе.
Зголемен е и бројот на гласови испратени по пошта, од 660.000 на претходните избори, на 754.000 сега.
Анкетите покажуваат дека владејачките либерали на Марк Карни имаат предност од 5 поени во однос на опозициските конзервативци.
Кампањата се фокусираше на односите со САД, откако Трамп воведе тарифи од 25% за увоз на стоки и говореше дека Канада треба да стане 51-ва американска сојузна држава.

3 ноември 2025

Бројките од локалните избори 2025 се како пресликани од циклусот во 2017 година, само што ВМРО-ДПМНЕ и СДСМ си ги сменија улогите, пишуваат 360 степени.
Со вчерашниот втор изборен круг ВМРО-ДПМНЕ на овие локални избори усвои вкупно 54 градоначалнички манадати во општините плус Градот Скопје, што е за два мандати помалку од резултатот што СДСМ го постигна на локалните избори пред осум години, кога победи во 56 и во главниот град.
Ако се погледнат бројките заклучно со вчерашниот втор круг, актуелната владејачка партија, го има речиси истиот резултат како СДСМ во 2017 година. Истовремено, социјадемократите на овие локални избори го пресликаа многу слабиот биланс што нивните политички опоненти го доживеаја пред осум години.
Ако новите победници фатат да се курчат и бахатат како другиве, да им е јасно како ќе завршат.

3 ноември 2025

Од вкупно 345.525 гласачи кои излегле на гласање во вториот круг локални избори, како неважечки се евидентирани 19.287 ливчиња.
Само во Град Скопје се евидентирани над десет илјади неважечки ливчиња, односно 10.528 од 167.575 гласачи, што претставува 6,3% од вкупниот број.
Секое шеснасетто ливче во Скопје било неважечко во вториот круг локални избори.