Вести › Набрзинка

Италија ќе ѝ го испорача украинскиот саботер на Германија

20 ноември 2025

Суд во Италија одобри екстрадиција на Украинецот Серхиј Кузњецов, обвинет за разнесувањето на гасоводот Северен Тек во 2022 година. Се очекува во следните неколку дена да ѝ биде испорачан на Германија, која распиша меѓународна потерница.
Поранешниот украински офицер беше уапсен во август во Римини. Истрага во Германија утврди дека тој ја координирал диверзантската група што поставила и активирала експлозив на гасоводот на дното на Балтичко Море, преку кој се доставуваше руски гас за потрошувачите во Германија.
Судењето на Кузњецов во Германија може да ги разниша односите на Берлин со Киев. Германија им дава политичка поддршка и многу оружје на властите во Киев, а откако почна војната прифати стотици илјади украински бегалци, на кои им обезбедува социјална помош.
Кузњецов, според неговиот адвокат, се чувствувал како „жртвено јагне“, бидејќи досега не добил никаква поддршка од украинските власти. „Ако го извршил нападот, го сторил тоа затоа што му било наредено... Украинските власти добро знаеле каде бил секој ден во септември 2022 година. Ако е невин, зошто не го кажат тоа? Ако пак го сторил тоа, зошто не кажат?“, изјави адвокатот Никола Канестрини.
Украинскиот нуркач Володимир Зурављов, идентификуван дека го поставил експлозивот на гасоводот, во септември беше уапсен во Полска. Властите во Варшава одбија да го екстрадираат во Германија и по 17 дена притвор го пуштија на слобода. Бил префрлен во Украина со БМВ со дипломатски регистерски таблички.

извор

Флорида забрани социологија на државните универзитети

3 април 2026

Образовните власти во Флорида им забранија на јавните универзитети да вклучуваат курсеви по социологија, како дел од мерките на гувернерот Рон ДеСантис против актуелниот модел на образование во оваа федерална држава.
Потегот е реакција на гневот и отпорот од страна на професорите по социологија и синдикатите на факултетите во врска со новите учебници, опишани како „навреда на академската слобода“ и „осиромашена верзија на науката“.
Властите ја гледаат социологијата како научна маска зад која се кријат идеолошки и родови агенди. Еден од ректорите на јавен универзитет од Фллорида изјави: „Ние не ја убивме социологијата, таа изврши самоубиство.“

извор

Руски милијардер најде решение за економијата: да се работи 6 дена по 12 часа

2 април 2026

Додека земјата се справува со длабока економска промена, Русите треба да размислат да работат по 12 часа дневно, шест дена во неделата, предлага рускиот милијардер Олег Дерипаска.
Рускиот крал на алуминиумот смета дека рускиот народ треба да се потпре на својот главен национален ресурс - во тешки моменти да се здружи и да запне.
„Колку побрзо се префрлиме на ова ново работно време - од 8 часот наутро до 20 часот навечер, вклучувајќи ги и саботите - толку побрзо ќе ја завршиме неопходната трансформација“, напиша индустрискиот магнат.
Олег Дерипаска има 58 години, сопственик е на алуминиумскиот гигант “Русал” и неговото богатство пред инвазијата се проценуваше на 3,8 милијарди, подоцна падна на 1,7 милијарди милијарди долари. Кога беше најјак, имаше 28 милијарди.

извор