Вести › Набрзинка

Интерпелација за Талат заради чеченски практики

26 мај 2022

И ВМРО ДПМНЕ и Левица најавувааат интерпелација за собранискиот спикер Талат Џафери по драмата во Собранието кога по негова наредба пратениците беа заклучени во пленарната седница.
Џафери тврди дека Деловникот му дозволува да стави катанец на вратите.
Деновиве беше обелоденето дека Талат Џафери лани се сретнал со чеченска делегација, се спомна дека за Ахмат Кадиров (татко на актуелниот чеченски лидер Рамзан Кадиров) бил ветен споменик во Тетово.
Во октомври 2002 година, група од 40 чеченски терористи го заклучија московскиот театар Дубровка задржувајќи 850 заложници. Во акцијата на руските специјалци од Спецназ загинаа сите 40 но животот го загубија и 130 заложници.

извор

Маѓар бара оставка од претседателот и замолкнување на државната телевизија

15 април 2026

Уште пред да го добие мандатот за формирање влада, Петер Маѓар го повика унгарскиот претседател Тамаш Шуљок да поднесе оставка. На церемонијалното добивање на мандатот му се закани со притисок од Парламентот ако одбива самиот да замине.
„Тамаш Шуљок е неспособен да го отелотвори единството на унгарската нација. Не е способен да биде чувар на владеењето на правото во Унгарија. Не е способен да биде морален стандард и пример за унгарскиот народ“, изјави Маѓар на прагот на претседателската палата.
Лидерот на партијата Тиса оцени дека Унгарците на парламентарните избори во неделата не гласале за нов состав на Парламентот и за промена на владата, туку за „промена на режимот“.
Маѓар се закани дека една од првите одлуки на неговата влада ќе биде привремено прекинување на вестите на државните радио и телевизиски станици.
На забелешката дека замолкнувањето на државната телевизија е спротовно на законот, тој одговори: „Не ги исполнивте обврските од законот за медиуми... Кога ме обвинувате дека го кршам законот, тоа е како крадец во продавница да повикува полиција“.

извор

Конгресмени покренаа иницијатива за отстранување на Трамп

15 април 2026

Група од 85 демократски конгресмени и сенатори предложија закон што ќе овозможи отстранување на Доналд Трамп по медицинска и политичка проценка дека тој е неспособен да ја извршува претседателската функција.
Како повод за иницијативата е наведена заканата од Трамп за Иран: „Цела цивилизација ќе умре вечерва!“ и неговото објавување на монтажата на која е прикажан како Исус.
Иницијативата сигурно нема да успее, бидејќи републиканците имаат мнозинство во Конгресот, а и Трамп може да ја блокира со вето. Но, може да послужи како пример ако на изборите во ноември драстично се промени распоредот во Претставничкиот дом и во Сенатот.
Законот предвидува формирање 17-члена комисија, која ќе побара медицински преглед на претседателот за да утврди дали е ментално или физички неспособен да ги извршува овластувањата и должностите на функцијата, согласно 25-от амандман. Потпретседателот Џ. Д. Венс би морал да ги потпише наодите, со што привремено ќе го отстрани претседателот од функцијата, а по 21 ден Конгресот би морал со двотретинско мнозинство во двата дома да изгласа трајно отстранување.
Отфрлајќи ја иницијативата, републиканците потсетуваат на менталната состојба на поранешниот претседател Џо Бајден. „Острината, неспоредливата енергија и историската достапност на претседателот Трамп се во остра спротивност со она што го видовме во текот на изминатите четири години кога демократите намерно го прикриваа сериозниот ментален и физички пад на Џо Бајден.“

извор