- Двете војски мометално работат на интегрирање на холаднската 13-та лесна бригада со германската 10-та Панцер дивизија.
- Холандија има вкупно три борбени бригади од кои две ќе бидат интегирани во германската војска. Во април холаднската влада треба да одлучи што ќе прави со последната бригада со 8.000 војници.
- Планот треба да резултира со заеднички сили од околу 50.000 војници, од кои 24 илјади од Холандија. Спојувањето не го вклучува специјалните сили на холаднската армија.
- Ревизија на ЕУ открила дека хроничен недостаток на лекови е проблем во целата Унија. Особено погодена е Белгија.
- За две години, 27-те членки на Унијата пријавиле критичен недостаток на 136 лекови, вклучувајќи антибиотици и лекарства кои се користат за лекување после инфаркт, соопшти Европскиот ревизорски суд. Најмногу проблеми пријавила Белгија.
- Причините делумно лежат во проблемите со синџирот на снабдување и прекумерната зависност на Европа од Азија за клучните компоненти на лековите.
- Азиските производители сега ја снабдуваат ЕУ со 70 проценти од активните фармацевтски состојки што ѝ се потребни.
- Латвија им нареди на 841 руски државјани да ја напуштат земјата до понеделник, бидејќи не докажале дека го познаваат летонскиот јазик и не поминале низ задолжителни безбедносни проверки.
- По руската инвазија врз Украина на почетокот на 2022 година, Летонија го измени својот Закон за имиграција и лани дополнително го заостри за руските државјани. Од Русите се бара да аплицираат за статус на долгорочен престој во ЕУ, да покажат познавање на летонскиот јазик на ниво А2 и да поминат безбедносни проверки и проверки на биографијата најдоцна до 30 јуни годинава.
- Новите мерки се однесуваа на околу 30.000 руски граѓани во Летонија. Повеќето ги исполниле барањата, а околу 2.600 си заминале. Многумина од преостанатите не биле свесни дека рокот за регистрација изминал и дека ќе мораат да ја напуштат земјата најдоцна до 13 октомври.
- „Сфаќаат дека нешто не е во ред кога не им се исплаќа пензија. Се јавуваат: Зошто нема пензија? Им велиме: Немате дозвола за престој. Прашуваат: Каде е мојата дозвола за престој? Одговараме: Треба да се придржувате до законот“, изјави Мајра Розе, раководителка на Канцеларијата за државјанство и миграциски прашања.
