Вести › Набрзинка

Грчкиот парламент остана без Спартанци

11 јуни 2025

Специјален трибунал во Атина им ги одзеде мандатите на тројца пратеници од неофашистичката партија Спартанци, вклучувајќи го и лидерот Василис Стигас, поради изборна измама.
Првпат по падот на воената власт Парламентот во Атина ќе има 297 наместо 300 пратеници. Нема да има избори за пополнување на преостанатите места. Мнозинството за усвојување закони се намалува на 149 гласа.
Специјалниот трибунал пресуди дека иако Стигас бил наведен како претседател на партијата, вистинскиот лидер бил Илијас Касидијарис, поранешниот водач на веќе распуштената неофашистичка партија Златна зора, кој отслужува затворска казна. Тоа е спротивно на законите, бидејќи на партиите им е забрането да учествуваат на избори ако нивните вистински лидери се осудени за кривични дела.
На изборите во 2023 година Спартанци освоија 12 пратенички места. Сега нема да имаат ниту едно. Седуммина веќе се прогласија за независни пратеници, а тоа ќе го направат и преостанатите двајца.

извор

Ни во вселената не се наоѓа добар водоводџија

6 април 2026

Астронаутите на Артемис II кои сега се наоѓаат поблиску до Месечината отколку до Земјата, се соочуваат со многу овоземен проблем: нужникот не им работи.
Проблемите настанале веднаш по полетувањето а од тогаш тоалетот те работи, те не работи.
Астронаутите пријавиле непријатен мирис а капетанот на посадата уверува дека се добро и дека се тренирани за разни предизвици.
Дописни водоводџии на НАСА претпоставуваат дека мраз ја има заглавено одводната цевка.

извор

Велешани некогаш даваа гемиџии, денес немаат јајца

6 април 2026

Бесплатно делење на јајца предизвика општ хаос во Велес - полицијата морала да интервенира за да воведе ред.
За само еден час биле поделени околу две илјади табли јајца, бесплатно делени од волонтери.
Се работело за донација од велешани кои живеат и работат во САД, односно од компанијата „Шилер“, чија дејност е камионски превоз на стока.
Поради метежот и безредието што се создале, морала да интервенира и полицијата за да воведе ред и да спречи евентуално стампедо и повреди кај граѓаните.
Луѓе земале и и по две-три табли со објаснување дека ги земаат за болни роднини или за соседи кои не можеле да дојдат.
Табла јајца е околу 300 денари.