Вести › Набрзинка

ЕУ ги оптовари кинеските електрични коли со 38%

4 јули 2024

Ризикувајќи започнување трговска војна, ЕУ воведе дополнителни тарифи за електричните возила од Кина од 38%, правдајќи го тоа со нефер државните субвенции кои ги добиваат.
Главната причина ќе да е тоа што продажбата на кинески електрични коли во ЕУ се има покачено од 0.4% до речиси 8%.
Претходно пишувавме дка кинеските автомобилски компании го повикале официјален Пекинг да ги дрмне конкурентите од Европската унија со увозни даноци до 25 отсто доколку ЕУ ја реализира заканата и воведе царини за возила од Кина.

******

Види и:

Јангванг за сите пари

извор

Трамп во јули тргувал со акции од 270 милиони долари

23 септември 2026

Само во текот на јули американскиот претседател Доналд Трамп извршил 1.156 тргувања со акции во вкупна вредност меѓу 79 и 270 милиони долари, според анализа на неговиот најнов извештај за финансиската состојба.
Севкупно, тој извршил повеќе од 700 продажби во вкупна вредност меѓу 35 и 137 милиони долари и повеќе од 440 купувања во вкупна вредност меѓу 43,5 и 134 милиони долари.
Само во еден ден - на 20 јули - продал акции на Amazon и Microsoft во вредност меѓу 5 и 25 милиони долари, на Oracle и Costco за 5 милиони долари и на Nvidia за 500.000 до 1 милион долари. (Види: Трамп има голем ќар од форсирањето на ВИ).
Откако ја почна војната против Иран на 28 февруари, Трамп заработил до 15,5 милиони долари од своите инвестиции во нафтени и гасни компании само поради скокот на цената на бензинот, откри економски комитет на Сенатот.
Годишниот финансиски извештај покажа дека Трамп лани заработил повеќе од 2,2 милијарди долари од својата мрежа на бизниси и инвестиции, вклучувајќи 1 милијарда долари приходи од крипто.
Законот за спречување на инсајдерско тргување, усвоен во јули, им забранува на пратениците и нивните семејства да купуваат акции што се тргуваат јавно. Забраната не важи за претседателот, потпретседателот и нивните семејства.

извор

Трамп доби свој ТВ канал

22 септември 2026

Белата куќа промовираше нов видео канал кој 24/7 ќе биде фокусиран на претседателот Доналд Трамп и неговите достигнувања.
Каналот „Trump TV“ на платформата YouTube бил активиран синоќа, со снимка на говор на претседателот од 3 јули. Белата куќа објасни дека ќе бидат објавувани „најдобрите моменти од минатото, соопштенијата и најважните и најзначајните активности на администрацијата – сè на едно место“.
Ова е реакција на бојкотот на големите телевизиски мрежи насочен против Трамп, откако тој им забрани пристап во Белата куќа на екипи од CNN, MS NOW и Politico. Поради бојкотот, не се слушаше изјавата на Трамп на свечената промоција на новиот хелиодром.

Веиџија Џијанг, поранешен претседател на Здружението на дописници од Белата куќа, предупреди дека администрацијата, преку ограничувањето на пристапот за избрани медиуми и со новиот канал, има намера да наметне контрола врз известувањето, што е несвојствено за САД.
„Америка не може да има државна телевизија... Потребни ви се независни актери за да можете да бидете набљудувачи. Ако владата ви го прикажува само она што го сака, мора да се запрашате: Што ни недостасува?“, вели Џијанг.

извор