Вести › Набрзинка

Џо Бајден се повлече од трката

21 јули 2024

Како што пред некој ден навестивме во „Бајден ќе се откаже викендов?“, Бајден не го издржа притисокот од големците и донаторите од својата партија по дебаклот на неговото прво соочување со Трамп.
Џозеф Бајден останува претседател на САД во крајот на мандатот но излегува од трката за втор мандат само четири месеци пред изборите.
Националната конвенција на Демократите ќе се одржи на 19 август и на неа ќе треба да се реши кој ќе им се спротивстави на Доналд Трамп и Џеј Ди Ванс на изборите во ноември.

извор

САД и Иран разговараат за 45-дневно примирје

6 април 2026

САД и Иран преку регионални посредници разговараат за 45-дневен прекин на огнот, за да се овозможат преговори за траен крај на војната. Преговорите ги водат претставникот Стив Виткоф и шефот на иранската дипломатија Абас Арагчи преку пакистански, египетски и турски посредници.
Извори на Аксиос, запознаени со разговорите, велат дека се мали шансите за постигнување договор, но и дека ова е единствената шанса да се спречи драматична ескалација на војната со масовни напади врз иранската цивилна инфраструктура и одмазда врз енергетските капацитети и постројките за вода во земјите од Персискиот Залив.
Трамп постави ултиматум до вторник до 20 часот да биде деблокиран Ормускиот проток. Ако не, САД ќе ја уништат иранската енергетска инфраструктура и мостовите. „Постои голема шанса, но ако не постигнат договор, ќе разнесам сè таму“, изјави Трамп за Аксиос.

На заканата од Трамп за „пеколни напади“, Иранската револуционерна гарда возврати дека ситуацијата во Ормускиот теснец никогаш повеќе нема да биде како пред војната, особено за САД и Израел.

извор

Флорида забрани социологија на државните универзитети

3 април 2026

Образовните власти во Флорида им забранија на јавните универзитети да вклучуваат курсеви по социологија, како дел од мерките на гувернерот Рон ДеСантис против актуелниот модел на образование во оваа федерална држава.
Потегот е реакција на гневот и отпорот од страна на професорите по социологија и синдикатите на факултетите во врска со новите учебници, опишани како „навреда на академската слобода“ и „осиромашена верзија на науката“.
Властите ја гледаат социологијата како научна маска зад која се кријат идеолошки и родови агенди. Еден од ректорите на јавен универзитет од Фллорида изјави: „Ние не ја убивме социологијата, таа изврши самоубиство.“

извор